Babeczki bananowe ze posypkōm (Bananowe babeczki z kruszonką)




Niyrołz1 nōm sie zachce na gibko2 czego słodkego, a niy mogymy już paczeć na szokolada i kupne ciastka- wtedy moge nōm sie przidać tyn recept3. Jake banany to na zicher4 Wōm tam kaj leżōm na byfeju5, a ta reszta składnikōw to już niy je żołdyn6 problym.

Co potrza?

Ciasto:

2 jajca

50 g masła

50 g cukru

4 banany

skōrka otartoł ze jednyj citrōłny7

sok ze poły citrōłny

1,5 szklōnki mōnki pszynnyj

1 łeżeczka sody oczyszczōnyj

Posypka:

4 łeżki mōnki

4 łeżki cukru

2 łeżki masła

Banany zblyndujcie ze sokym ze citrōłny. Masło łozpuście8 we jakim gorczku9. Jajca ubijcie ze cukrym. Dociepcie10 do nich potyn otartoł skōrka ze citrōłny, mōnka, soda, łozpuszczōne masło, zblyndowane banany i wszyjsko fajnie wymiyszejcie.

Dejcie ciasto do forymek na babeczki – tak ze 2/3 wysokości.

Składniki posypki dobrze wyrōbcie i dejcie ji trocha na wiyrch kołżdyj babeczki.

Bratruła11 łozgrzyjcie na 180 stopni i wrojście tam babeczki na 30-40 minut. Dejcie pozōr12, żeby Wōm sie niy przipołlōły13. Posypka moł sie zrobić yno leko14 złotawoł.

Smacznego 🙂

1czasem

2szybko

3przepis

4na pewno

5kredensie

6żaden

7cytryny

8rozpuśćcie

9garnuszku

10dorzućcie

11piekarnik

12uważajcie

13przypaliły

14lekko




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*