Rolady ze granatym  (Wybuchowe zrazy wołowe ;) )

Potyn1 mogecie2 pedzieć:3 mōm4 rolady i niy zawachōm sie ich użyć! Ale niy bojcie5 sie, niy o handgranat6 sam idzie,7 yno8 o te łokrōngłe owoce, co to dō nos prziszły ze dzikich landōw9– jakby to Babka Marii padała. Joł10 lubia- jak sam już niyftorzi11 niyrołz12 widzieli- eksperymynty we kuchni. Ta moja borołka13 Baba musi to potyn wszysko jejś, ale przi tych roladach, to śmiōtła14 ze talyrza wszysko- widać bōły15 dobre.

Co potrza?16

5-6 kōnskōw17 miysa wołowego na rolady
1 granat
gołrść18 łorzechōw włoskich
15-20 dkg wyndzōnki19
5 łyżeczek mostrichu20
keliszek czerwōnego wina
150 ml śmiytōnki21
2-3 łeżki22 masła klarowanego
trocha23 wody
sōl, pieprz
kapka24 maggi- nasze Ōłmy25 do zōłzy26 zawsze go trocha kapły
mōnka27 do zagynszczynia zōłzy
5-6 metrowych nici- jak mołcie28 lust29, to sie mogecie wziōńć30 nawet różowe 😉

Rozczaskejcie31 sie te miyso- chyba, że mołcie takego masołrza,32 co je rozczaskuje abo moł jakego stikera 😉
Wciepcie33 na kołżdo34 rolada łyżeczka mostrichu i rozsmarujcie. Posypcie troszka pieprzym i solōm. Podpiyczcie sie plastry boczku na patelni i dejcie35 na rolada. Łorzechy na chwila upranżcie36 i wciepcie na rolady. Granat trza łobrać ze skōry i wyciepnōńć37 tyż te biołe błōnki ze środka, a reszta do roladōw. Tera trudne zadanie, bo trza je zwiynōć38 tak, żeby ze środka nōm39 nic niy wyleciało. Owińcie sie je fajnie niciōm i dejcie je na rozgrzōno patelnia- kaj40 sie  pryndzyj41 smażōła ta wyndzōnka- i dodejcie jeszcze masła klarowanego. Terozki trza je podpiyc ze wszyskich stron i nojgorsze w tym bańdzie42 to pyrskanie43 tego tustego,44 ale na to chyba niy ma rady, yno je kans45 sprzōntania 😉 Podpiykejcie je nojlepi na patelni, bo Wōm sie niy bańdzie te miyso prziklejało do dna, a potyn mogecie sie je przełożyć do jaki brytfanki. Jak już sie podpiekōm, to wlyjcie tam wino i trocha wody i niech sie to tera pomału warzi46– jak mołcie czas, to moge to tak sie pykać47 ze 2 godziny. Jak już miyso je miynke,48 to je wyciōngcie49 i połōżcie na talyrzu. Do zołzy dodejcie śmiytōnka, rozfyrlano50 ze zimnōm wodōm mōnka (ze 2 łeżki na szolka51 wody) i niech to fajnie zawrze.52 Tera doprołwcie53 sie to solōm, pieprzym i maggi. Ze roladōw ściōngcie54 nici, na chwila wciepcie do zołzy i fertich.55 Nojlepi to baje56 smakować ze klōskami, ale jakby Wōm sie niy chciało smolić57 ze klōskōma, to dobre bydōm tyż i nudle58… smacznego 🙂

Rolady ze granatym- małe

1później

2możecie

3powiedzieć

4mam

5bójcie

6granat ręczny

7chodzi

8tylko

9egzotycznych krajów

10ja

11niektórzy

12nieraz

13bidulka

14zmiotła

15były

16potrzeba

17kawałków

18garść

19wędzonego boczku

20musztardy

21śmietany

22łyżki

23 trochę

24kilka kropel

25babcie

26sosu

27mąka

28macie

29ochota

30wziąć

31roztrzaskajcie

32rzeźnika

33wrzućcie

34każdą

35połóżcie

36uprażyć

37wyrzucić

38zwinąć

39nam

40gdzie

41wcześniej

42będzie

43pryskanie

44tłuszczu

45dużo

46gotować

47bulgotać

48miękkie

49wyciągnijcie

50roztrzepaną

51kubek

52zagotuje

53doprawcie

54ściągnijcie

55gotowe

56będzie

57tutaj w znaczeniu bawić, marnować czas

58makaron

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*