Gulasz choby po szegedyńsku (Gulasz jakby po szegedyńsku)

Joł¹ wierza, że sōm² Ślōnzołki take jak joł, co to lubiōm rajzować³ i prōbować roztomajtych⁴ kuchniōw ze cołkego⁵ świata. Tyn gulasz to je tako wariacja na tymat kuchni ze Wyngrōw.⁶ Robiōłech go już połra⁷ razy i zawsze gościōm smakowoł. Niyftorzi gołdali, że to taki trocha inkszy⁸ bigos i cojś w tym je, bo przeca⁹ je tam kiszōnoł¹⁰ kapusta, ale połōnczynie ji¹¹ ze ananasym i śmiytōnkōm dołwo¹² już całkym inksze doznania smakowe- jak to niyftorzi gołdajōm.

Co potrza?

500 g miysa¹³ wołowego (moge¹⁴ być ligawa)

500 g cebuli

500 g śmietōnki (12 abo 18%)

250 g wyndzōnki¹⁵

0,5 świyżego ananasa

500 g kiszonyj kapusty

0,5 szklōnki łoleju¹⁶

połra łeżek masła klarowanego

2 zōmbki czosku

2 łeżki kōncyntratu ze tōmatōw¹⁷

1 szklōnka buliōnu wołowego

lampka czerwōnego wina

1-2 łeżki sezamu

trocha mōnki¹⁸

Prziprawy:

1 łyżeczka słodki papryki

1 łyżeczka ostryj papryki

1 łyżeczka tymianku

1 łyżka kminku

sōl i pieprz

Ananasa łobiercie- nojlepi nojprzōd oberznōńć¹⁹ gōra i dōł, poty postawić go i obrzinać boki. Jak żejście już fajnie oczyściyli boki, to mogecie go przerznōńć na pó²⁰ i wyrznōńć tyn twardy środek. Ta poła,²¹ co jōm weznymy do gulaszu, pokrejcie we kostka. Taki świyży ananas je tak dobry, że ta drugo połowa to sie zarozki²² straci²³– no, chyba że mołcie pusto chałpa²⁴i żołdyn²⁵ Wōm niy zaglōndo do kuchni 😉

Podpiykejcie nojlepi wszysko na patelni, a potyn przeciepujcie²⁶ do jakego srogego²⁷ gorka. Nojprzōd pokrōno²⁸ wyndzōnka, potyn na łoleju pokrōno we kosteczka wołowina, potyn na maśle klarowanym zeszklijcie trocha cebula i czosnek (nojlepi przeciśniynty). Wszysko wciepnijcie do gorka, dodejcie ananasa, kōncyntrat i prziprawy i niech sie to trocha podusi. Potyn kapusta (keby²⁹ bōła³⁰ mocno kwaśnoł, to mogecie jōm przepōkać³¹), a za chwila wlyjcie buliōn i niech sie to dusi, aże miyso baje miynke³². Na kōniec wlyjcie tam wino, śmiytōnka i doprowłcie sie to do smaku. Tera mogecie upranżyć trocha sezam i posuć³³ nim tyn gulasz na talyrzu, zanim go dołcie³⁴ na stōł. Smacznego 🙂