Kapuśniok golōnkowy (Kapuśniak golonkowy)

Łostatnio1 żech sam pisoł o golōnkach i jak fto2 take robiōł i łostoł3 mu tyn wywar, to je łon4 idealny na kapuśniok. Jedyn chop to już mie od lata mynczy,5 żebych sam wciep6 recept7 na kapuśniok, ale jak na dworze bōł8 chic,9 to czowiek myśloł yno10 jak by sie tu ochōdzić.11 I trza jeszcze bōło12 poczekać na świyżo kiszonoł kapusta… Tera prziszoł czas na kapuśniok.

Co potrza?13

wywar ze golōnek abo 1-2 golonka, piwo, trocha ziela angelskego, listkōw bobkowych14 i pieprzu
grincojg15
2-4 kartołfli16 (zależy czy sōm sroge17)
0,5 kg kiszononyj kapusty  (keby bōła za kwaśnoł, to mogecie18 jōm trocha łodcedzić19)
2-3 łeżki mōnki
trocha masła klarowanego abo fetu20 do zasmażki
sōl
mogecie tyż dać trocha lubczyku i kminku

Jak byjście sie chcieli zrobić ta zupa ze wywaru po golonkach, to zbiercie z niego z wiyrchu trocha fetu,21 żeby nasz kapuśniōk niy bōł za tusty. Przecedźcie tyn wywar i mogymy sie brać za robota. Kebyście chcieli sie yno zrobić sama zupa to wciepcie22 do gorka jedne abo dwa golōnka, wlyjcie piwo, woda, wciepcie prziprawy i warzcie 1,5 godziny. Potyn wyciōngcie23 golonko i przecedźcie tyn wywar.
Do wywaru wciepcie pokrōne24 kartołfle i grincojg, lubczyk i niech sie trocha powarzōm (ze 10 minut). Pokrejcie kiszonoł kapusta na mańsze kōnski25 i wciepcie do zupy. Łobiercie golonka i te chude miyso, co tam znojdziecie, wciepcie pokrōne do gorka. Na patelnia wsypcie mōnka i niech sie chwila podpiecze. Potyn dejcie26 dō ni27 trocha masła klarowanego abo fetu, niech chwilka poskwiyrczy (niy brōnołćcie28 tyj zasmażki za mocno) i wlyjcie jōm do garca. Prziprołwcie29 ta zupa pieprzym, solōm i kminkym- jak niy mogecie żyć bez maggi, to tyż mogecie łonego trocha kapnōńć, choć to niy je te maggi co piyrwy. Jak  kapusta zmiynknie to nasz kapuśniok je fertich.30 Smacznego 🙂

Kapuśniok- małe

1ostatnio

2ktoś

3został

4on

5męczy

6wrzucił

7przepis

8był

9upał

10tylko

11ochłodzić

12było

13potrzeba

14laurowych

15włoszczyzna

16ziemniaków

17duże

18możecie

19odcedzić

20smalcu

21tłuszczu

22wrzućcie

23wyjmijcie

24pokrojone

25mniejsze kawałki

26proszę dodać

27niej

28nie brązowić, przypiekać

29przyprawcie

30gotowy

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*