Kura ze miyntōm (Drobiowe roladki z jabłkiem i miętą)

Cojsik mie korciōło, żeby zajś1 poeksperymyntować. Miołech we doniczce miynta, a na parapecie walały sie jakejś jabka, to żech sie pomyśloł, że trza by z tego cojś narychtować.2 Dołwno3 żech niy robioł roladōw i trza bōło4 poćwiczyć owijanie ich niciōm, a że jabka dobrze smakujōm ze drobiym, tak żech prziszoł na ta kura. Tera yno jeszcze trocha ostrzyjszego smaku- to nōm załatwi zeler5 naciowy- i danie mōmy6 prawie fertich. Niby proste, ale na talyrzu wyglōndo elegancko i idzie poszpanować, jak dostaniecie jaki bezuch7. A jeszcze jak powiycie, żejście to dusiyli we cydrze, to musicie uwarzać, żeby im ze wrażynia gybis8 niy wylecioł 😉

Co potrza?

2 piersi z kurczaka abo połra filetōw ze udzika

1 jabko

2 łodygi zelera naciowego

połra gałōnzkōw miynty

zōłza9 sojowo

szklōnka10 cydru ze jabkōw

pieprz

masło klarowane

mało śmietōnka (12 abo 18%)

trocha mōnki

Miyso pokrejcie na wiynksze kōnski i rozczaskejcie11– filety z udzika trza yno rozczaskać. Posmarujcie je zōłzōm sojowōm i posypejcie12 pieprzym. Do środka kołżdyj rolady wciepcie pokrōne i wymiyszane jabko, zeler i miynta. Tera sie narychtujcie metrowe kōnski13 nici. Zawijejcie miyso tak, żeby ze środka nic nōm niy wyleciało, a potyn obwiōnzejcie to fajnie niciōm. Rozgrzyjcie sie patelnia ze masłym klarowanym (2-3 łeżki) i przibrōnołćcie14 ze wszyskich strōn. Tera nalyjcie tam tego cydru i niech sie to tak ze pó15 godziny pomału dusi. Potyn wyciōngcie miyso i do wywaru dajcie śmiytōnka- uważejcie, żeby niy bōła za zimno abo mogecie tyż nalołć16 do ni17 połra łeżek wywaru, to sie Wōm na pewno ta śmiytōnka niy zwarzi. Idzie18 tyż trocha zagyńścić ta nasza zōłza mōnkōm- nojlepi jōm pryndzy19 rozfyrlać20 ze zimnōm wodōm. Dosmakujcie jōm jeszcze solōm i pieprzym, a ze miysa ściōngcie sie tera te nici. Jak już zōłza bydzie fertich, to wciepcie tam jeszcze na chwila miyso, żeby sie podgrzoło i mogecie sie brać za jedzynie.

Joł żech to jołd21 ze kaszōm jaglanōm, ale mogecie sie to tyż zjejś ze klōskami, ryżym, a nawet ze bōłkōm. Smacznego 🙂

 

Miyntowo kura- małe

1znów

2przygotować

3dawno

4było

5seler

6mamy

7gości

8sztuczna szczęka

9sos

10szklanka

11roztrzaskać

12posypcie

13kawałki

14przypieczcie

15pół

16nalać

17niej

18można

19prędzej

20roztrzepać

21jadłem

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *