Moczka abo mołczka (Śląski deser wigilijny)

Receptōw na moczka je tyla,1 co zortōw2 piwa abo modeli szczewikōw3 (nojważniysze to do kołżdego znojś odpowiednie porównanie 😉 ). Kołżdo4 familia5 sie bez lata wyrobiōła6 swoja tradycja, a nastympne pokolynia dokłołdały7 do ni8 swoje składniki. Moja Ōłma9 robiōła jōm yno ze suszōnych śliwkōw, jabek i gruszek. Moja Muter dołożōła do tego figi i daktyle. Kedyjś robiyli to na wywarze ze warzyw abo nawet na łebach10 łod karpia, dzisiej pryndzy na ciymnym piwie. Jako bydzie11 moczka za 100 lołt12? Tego niy wiy żołdyn.13

Co potrza?

po 10 dkg suszōnych: śliwek (choć jōł żech ich doł akurat 20 dkg, bo te wyndzōne śliwki miały taki fajny arōmat), jabek, gruszek,moreli, figōw, daktyli

10 dkg mandli14 (płatki abo jake inksze15– nojważniyjsze, żeby bōły obrane)

10 dkg rodzynek

15-25 dkg piernika do moczki (jak takego niy mołcie, to mogecie dac tyż normalnych piernikōw- bez nadziynia!)

0,5 litra ciymnego piwa (takego bezalkoholowego), co to Ōłma gołdała16 na nie malcbir17

1 citrōłna18

Suszōne owoce (bez rodzynek) wciepcie19 do gorka, zalyjcie wodōm i trocha powarzcie20, żeby fajnie zmiynkły. Piernik pokrejcie21 i zalyjcie piwym. Jak już owoce bydōm uwarzōne, to je przecedźcie- ale niy wylywejcie tego wywaru, bo go przeca22 tyż bydymy23 używać- i pokrejcie na małe kōnski24. Kedy25 te jabka i gruszki miały pestki abo i szypułki, te je wykrejcie i wytrzajście.26 Potyn wciepcie te suszōne owoce nazod27 do wywaru, dodejcie piernik ze piwym, rodzynki, mandle i wszystko powarzcie razym. Keby Wōm to bōło za mało słodke, to dejcie28 tam trocha cukru. Jak już sie wszysko fajnie wymiyszo, to na kōniec wyciście tam sok ze jednyj citrōłny i fertich. Przijymnego świyntowania i smacznego 🙂

Moczka Pałac Kawalera- małe

1tyle

2rodzajów

3butów

4każda

5rodzina

6wypracowała

7dokładały

8niej

9babcia

10głowach

11będzie

12lat

13nikt

14migdałów

15inne

16mówiła

17niem. Malzbier- piwo słodowe

18cytryna

19wrzućcie

20pogotujcie

21pokrójcie

22przecież

23będziemy

24kawałki

25gdyby

26wyrzućcie

27z powrotem

28dodajcie

One thought on “Moczka abo mołczka (Śląski deser wigilijny)

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *