Hekele (Śląska sałatka śledziowa- czasami w postaci pasty ;) )

Ło recept1 na hekele to sie mie sam niyftorzi2 pytali już połra3 miesiyncy tymu. Trocha czasu mi to wziyno, nim żech sie za to chyciōł. U mie w doma sie tego niy robioło, bo moja Muter niy znała tego ze swoji chałpy4– w tyj czyńści łopolskego tego niy znali. Ponojś5 hekele robiōła moja Ōłma ze Gliwic, ale jak żech zadzwoniōł do Ciotki do Niymiec, żeby mi pedziała,6 jako to narychtować,7 to żech sie dowiedzioł, że niy pamiynto. A jedna rzecz, co ji8 sie spōmniała, to to, że Ōłma mielōła to bez maszynka- to już bōło cojś.9 Moja Muter pedziała, że łod niyj kōmratka10– pani Magda- robi hekele i jak żech sie potyn dowiedzioł, to za starego piyrwy robiōła je i łod11 ni muter i teściowoł. Tyn recept je taki gliwicko- pilchowicki, a joł tam od siebie jeszcze wciep łeżeczka mostrichu12– je kans13 receptōw, kaj ta łon sie pokazuje i bez to chciołech sie tego smaku sprōbować. Ta wersja bydzie pokrōno14, a bez to tyż trocha bliższo swoji nazwie: hekele pochodzi łod niymieckego hacken, co znaczy siekać.

Co potrza?

5 kōnskōw15 matiasōw 

3 uwarzōne16 na twardo jajca

2 wiynksze abo 3-4 mańsze łogōrki17 kiszone

1-2 cebule (sam18 sie musicie spytać swoji wōntroby, wiela ji dać 😉 )

pieprz

łeżeczka mostrichu

przed podaniym mogecie jeszcze dać łeżka mojōnezu

Nojważniyjsze je to, żeby porzōndnie wymoczyć te śledzie (na Śląsku niyrozki sie na nie gołdo heringi abo i harynki) i połra razy zmiynić im woda. Joł żech ostatnio mioł tak trocha mani19 czasu i żech sie pomyśloł, że jak je przepōkōm20 i chwila pomocza, to im styknie. I żech sie przejechoł, bo te hekele wyszło tak słone i tak mie potyn suszōło, że żech myśloł, że ogupieja. Na moczynie słonych śledzi potrza połra godzin!

Potyn idzie już szybko. Trza drobno pokrajać cebula, łogórki, jajca i śledzie, dać łeżeczka mostrichu, trocha pieprzu i fertich. Kebyjście chcieli, to przed podaniym mogecie jeszcze dać łeżka majōnezu, ale jak go niy mołcie, to sie przeca21 nic niy stanie. Hekele robi sie wartko, a jak sie do tego weźniecie kōnsek jaki dobryj bōłki abo sznita22 chleba, to zmōcicie23 to raz, dwa. Smacznego 🙂

1przepis

2niektórzy

3kilka

4domu

5podobno

6powiedziała

7przygotować

8jej

9coś

10koleżanka

11od

12musztardy

13dużo

14krojona, siekana

15kawałki

16ugotowane

17ogórki

18w tym przypadku

19mniej

20przepłuczę

21przecież

22kromkę

23zjedzą Państwo

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




6 Komentarze

  1. Witom Wos piyknie, dzwonicie niy tam kaj trza! Trza było zadzwonić do mie to bym Wom pedziała jak sie robi Hekele. Bo hekele sie Chopeczku sieko a niy kroi. A jak sie sieko to wychodzi sieczka czyli bardzo drobne konseczki. A pomysł z dodaniem musztardy – przedni!
    Pozdrawiam Ako

  2. ludzie, jakie ogórki, jajka, przecież hekele robi się tylko i wyłącznie ze śledzia, cebuli i masła. I to się miele na pastę a nie żadna sałatka.
    mam 60lat i pamiętam jak moja mama robiła to jak miałam lat może 5-6 dla taty który to bardzo lubił.

    • To, że Pani mama robiła hekele w nieco innej wersji, to nie znaczy, że ten przepis- i pewnie jeszcze kilka innych- nimi nie jest. Z kuchnią tradycyjna tak już jest, że tyle jej wersji, ile domów 🙂

  3. Panie Klaudiuszu, a może Pan zapyta Swojej Babci jak naprawdę wyglądało hekele w latach 60-tych? Pan jako „Chop z kuchni” powinien takie rzeczy wiedzieć i skądinąd znać stare śląskie przepisy. Pozdrawiam.;0

Dodaj komentarz

Twój adres email nie zostanie opublikowany.


*