Hańdyk we boreju (Indyk w porach)




Boryj mo niy yno fajny smak, ale tyż mało kalorii, kans fetaminōw1 i roztomajtych minerałōw. Moł działanie przeciwbakteryjne, a do tego jeszcze pomołgo wyciepnōć2 ze organizmu toksyny, a to przeca tera take modne. Ze hańdykym smakowoł richtig3 dobrze, a jak żech sie go zrobiōł jeszcze ze dzikim ryżym- co to tak po prołwdzie niy je ryżym, yno nasiōnym trołwy- to sie z tego zrobiōło danie, jak z jaki restauracji do snobōw 😉

Co potrza?

800-1000 g hańdyka

1 boryj (około 500 g)

1 marchew

1 keliszek biołego wina

3 keliszki wody

0,5 łeżeczki kozieradki

0,5 łeżeczki majeranku

0,5 łeżeczki lubczyku

sōl i pieprz

1-2 łeżki mōnki kukurydzianyj abo pszynnyj do zagynszczynia zołzy

Nojprzōd4 na suchyj patelni (leko mogecie jōm yno natrzyć masłym klarowanym abo kapnōńć łoleju) na srogim łogniu podpiyczcie hańdyka w całojści ze kołżdyj strōny. Jak sie to robi na suchyj patelni, to tak niy pyrskoł5 i niy marasi6 kuchni. Potyn wciepcie go do brytfanki, wlyjcie tam wino i woda, dejcie boryj, marchew i przyprawy- bez soli, bo ta nojlepi dać na sōm kōniec- i niech sie to tak pomału dusi bez godzina abo półtora. Potyn wyciōngcie miyso, zmiksujcie ta zōłza blynderym i dosmakujcie. Łona7 je fajnie gynstoł8, ale żeby nōm sie niy łoddzielała ze ni9 woda, to nojlepi jeszcze rozfyrlać10 sie we zimnyj wodzie łeżka abo 2 mōnki i dać do tyj zōłzy, żeby bōła11 gładszoł. Pokrejcie miyso na kōnski i wciepcie jeszcze na chwila do zōłzy, żeby sie łogrzoło i mogecie wyciōngać talyrze. Takego hańdyka idzie zjejś ze ryżym, klōskami, kartołflōma i ze czym sie tam jeszcze niy wymyślicie… smacznego 🙂

Hańdyk w boreju-małe

1dużo witamin

2wyrzucić

3naprawdę

4najpierw

5pryska

6brudzi

7ona

8gęsta

9niej

10roztrzepać

11była




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*