Tarta ze rabarbarym (i wszystko jasne ;) )

Rabarbar ze Azji do Europy przikludziōł1 pōnojś2 we XVI wieku Marko Polo. Tyn rabarbar moł kans roztomajtych3 fetaminōw, ale i moł tyż kwas szczawiowy, co to wypłukuje wapń ze łorganizmu i bez to niy idzie go za kans jejś. Ale dyć jak sie rołz4 za jaki czas czowiek szczeli jake ciasto ze rabarbarym, to sie przeca nic niy stanie- no chyba, że idzie nōm ło te połra kalorii, jak wpierymy56 blachy 😉

Co potrza?

Spodek:

100-150 g masła (zależy, jak chcecie mieć to maślane we smaku)

250 g mōnki pszynny

2 żółtka

50 g cukru

Środek: 1 kg rabarbaru

keliszek czerwōnego wytrawnego wina

3 łeżki cukru

Beza:

2 biołka

100 g cukru (pó szklōnki)

łeżka kartofylmyjlu7

Łobiercie rabarbar i potnijcie na 1 cm kōnski8. Wciepcie go na patelnia, dejcie cuker, wino i podgrzywejcie tak dugo, aż wyparuje woda i zrobi sie z niego takoł gynstoł kōnfitura.

Piec rozgrzyjcie na 180 stopni. Do jaki miski wciepcie składniki na spodek i wyrōbcie na jednolitoł masa. Wejście sie forma na tarta i wyłōżcie jōm ciastym. Na kōniec mogecie je jeszcze podzióbać widołkōm9 i wrojście do pieca na 15-20 minut, żeby się leko przibrōnołciōło10.

Bez tyn czas ubijcie biołka na piana, dejcie tam cuker i dali ubijejcie. Na sōm kōniec wmiyszejcie11 1 łeżka kartofylmyjlu.

Na upieczōny spodek wyłōżcie rabarbar, a na wiyrch dejcie piana. Mogecie tyż nożym abo jakōm łyżkōm porobić tam take szpice (podźwigać ta piana do gōry), bo bydzie to potyn fajnie wyglōndać.

Potyn wrojście to do bratruły12 na 15 min na 180 stopni, a niyskorzi13 zmniyjszcie na 60 stopni, uchylcie leko drzwiczki i niech sie to tak ze pó godziny posuszi14.

Ta tarta je idealno: trocha słodkoł, trocha kwaśnoł… smacznego 🙂

Tarta ze rabarbarym-małe

1sprowadził

2podobno

3dużo różnych

4raz

5zjemy

6pół

7mąka ziemniaczana

8kawałki

9widelcem

10zrumieniło

11wmieszajcie

12piekarnika

13później

14posuszy

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *