Szałołt dlo frelkōw (Sałatka dziewczęca)

Ôstatnio1 bōły2 u nos na bezuchu3 mode4 frelki5 i tak żech sie pomyśloł, że trza by narychtować6 co lekego, bo ône przece7 terozki cołki8 czas rachujōm te kalorie i tak żech prziszoł na tyn szałołt. Potyn sie ôkołzało, że ône przikludziōły9 mi do dōm ciastka i cołko teoryjo10 szło o kant rzici roztrzajś11– kōniec kōńcōw my zjedli i dietetyczny szałołt, i niydietetyczne ciastka. Do szałołtu bōły trzołski12 ze miysa, ale co to je, to do tego przidymy trocha niyskorzi13.

Co potrza?

pó gōwki14 kapusty pekińskyj

150 g szpinatu15 (tych modych16 listkōw- tak ze pó bojtlika17 mogecie sam wsuć)

biksa majsu18

1 cebula

2 łeżki ôctu

2 łeżki cukru

2 jabka

250 g kiszōnych ôgōrkōw

Zōłza19:

sok ze poły citrōłny20

3 łeżki oliwy

3 łeżki ôleju

sōl i pieprz

Cebula pokrejcie21 i wymiyszejcie ze cukrym i ôctym- fajnie puści sok i bydzie miała blank22 inkszy23 smak. Składniki zōłzy wymiyszejcie w jakim gorczku24. Kapusta pekińskoł, szpinat, jabka i ôgōrki pokrejcie na mańsze kōnski. Cuzamyn25 ze majsym wciepcie26 do srogi27 miski, dociepcie do tego cebula, ôblyjcie zōłzōm i fertich28. Tyn słodko- kwaśny smak bydzie pasowoł29 do kołżdego miysa, ale i do fajnie przipieczōnyj abo narychtowanyj na parze ryby. Smacznego 🙂

1ô= ło

2ō- samogłoska w wymowie między o i u

3w odwiedziny

4młode

5dziewczyny

6przygotować

7przecież

8cały

9przyniosły

10teoria

11to dość dosadne określenie braku powodzenia

12trzaski, małe drewienka

13później

14główki

15szpinaku

16młodych

17woreczka

18puszka kukurydzy

19sos

20cytryny

21pokrójcie

22całkiem

23inny

24garnuszku

25razem

26wrzućcie

27dużej

28gotowe

29pasować

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *