Placki ze banie i pasternaku (Placki dyniowo-pasternakowe)

Pasternak jedli już nasze pra-pra ōłpy¹, potyn trocha ôstoł² zapōmniany, a terozki³ zajś⁴ idzie go znojś⁵ we sklepach. Niyrołz⁶ trocha cyganiōm⁷ i sprzedowajōm go zamiast pietruszki- rōżniōm sie tym, jak wyrołsto nać: u pietruszki szyroko, a w pasternaku barzi⁸ wōnsko. Je ôn słodszy ôd pietruszki i moł⁹ kans¹⁰ dobrych składnikōw i skuli¹¹ tego werci¹² sie go jejś. Joł żech go połōnczōł ze baniōm, indyjskimi prziprawami i wylołz¹³ z tego richtich¹⁴ fajny miszōng.

Co potrza?

2 wiynszke korzynie pasternaku

poła¹⁵ bani hokkaido (niy trza ji ôbiyrać)

małoł cebula

2 zōmbki czosku

1 jabko

2 jajca

4 łeżki kartofylmyjlu¹⁶

sōl i pieprz

2 łeżeczki garam masala*, a jak niy bydzie sie Wōm chciało ji¹⁷ rychtować¹⁸, to mogecie dać i miyszanki curry

ôlyj do smażynioł

Pasternaku żech niy ôbiyroł, yno wyszorowoł, bo tam w tyj skōrze je tyż kans dobroci. Bania, pasternak, cebula i jabko żech star¹⁹ na nojmańszym tarle- joł je zgniōły²⁰ i żech zagōniōł do roboty robota kuchynnego. Do tego żech wycisnōł czosnek, wciep jajca, kartofylmyjl, prziprawy i fajnie to wymiyszoł. Na patelnia doł żech trocha ôleju i piyk małe, ciynke placki. Ta masa je tako barzi suchoł (niy jak przi kartoflanych) i mogōm sie trocha rozlatywać przi smażyniu, ale niy ma sie co tym przejmować. Jak sie fajnie przibrōnołcōm²¹, to sie mogecie brać za jedzynie- dobrze smakujōm ze jogurtym, szłoby sie do tego tyż zjejś apfylmusu albo przi pieczyniu wciepnōńć na wiyrch trocha syra. Smacznego 🙂

*Garam masala to we jynzyku hindi znaczy gorke²² prziprawy i tak sie je tyż rychtuje- na gorko i bez to łone potyn tak dobrze czowieka rozgrzywajōm. Takoł miyszanka mogecie sie narychtować sami. Zrōbcie sie ji wiyncyj, a bajecie²³ mieć jōm²⁴ na dugo.
Na patelnia wciepcie:
6 łeżek pieprzu, 5 łeżek kminu rzymskego, 2 łeżki cynamōnu, 1,5 łeżki goździkōw, 2,5 łeżki kardamonu, 6 łeżek nasiōn kolyndry, 2 łeżki pokruszōnych bobkowych²⁵ liści i   łyżeczka zmielōnyj gałki muszkatołowyj. Podpiyczcie ze 30 sekund na średnim łogniu i łodstołwcie do ochōdzynia.²⁶ Tera zmielcie i zawrzyjcie²⁷ w jaki krauzce.²⁸ Niech Wōm dugo pomołgo²⁹ we warzyniu.