Dzisiej biera pod lupa 2 syrki pleśniowe, kere1 sie nazywajōm bawarski i pōnojś2 obydwa bōły nawet narychtowane3 we Niymcach. Delikate je z Biedrōnki, a Milboa idzie kupić w Lidlu. Wiym, że ône sie rōżńiōm, bo jedyn je z czerwōnōm pleśniōm (caractere), a drugi niy, ale jako syry pleśniowe bawarske bez dodatkōw bōły yno te. Kedyjś bōł we Lidlu (pōnojś tyż i we Biedrōnce) tyż taki syr bawarski caractere firmy Bergader, ale terozki go już niy ma- a szkoda, bo bōł richtich dobry, ale i trocha droższy. Skład majōm ôbydwa dobry: mlyko i kultury bakterii, tyn ze Biedrōnki mo jeszcze jako barwnik ekstrakt ze papryki, podpuszczka cielynco i trocha chlorku wapnia- ale łōn we małych ilościach niy je szkodliwy.
To se wciepnymy je terozki do tabelki 😉
| Syr | Wołga i cyna | Kōnsystyncja | Smak | Ôcyna (1-5) |
| Delikate
Ser bawarski pleśniowy caractere |
150 g
5,49 zł (Biedronka) |
fajnie kryjmowy, minko skōrka, rozpuszczo sie w gymbie i niy śmierdzi | delikatny, na poczōntku idealnie śmiytankowy, niyskorzi4 fajnie pikantny, posmak wyndzōnyj papryki | 5 |
| Milboa
Bawarski ser pleśniowy kremowy |
150 g
5,49 zł (Lidl) |
dojś zbity, twardszo skōrka, mało kryjmowy, trocha styropianowy, leki zapach (do sztrzimania 😉 ) | delikatny we smaku, ale dojś płaski, smak niy rozwijo sie przi jedzyniu, leki ôrzechowy posmak, niy pikantny | miyndzy 3 a 4 |
1które
2podobno
3zrobione
4później
