Grillowane wōsztliki i włoski szałołt

W taki dugi weekynd to fto yno poradzi¹, tyn grilluje. A jak na grill wciepniecie² konsek wôsztu³, to żeby tak sōm⁴ niy leżoł potyn⁵ na talyrzu⁶, przido⁷ Wōm sie jaki szałołt⁸. Joł tam sie lubią tyż pogrillować i w dōma⁹, na gyburtstag¹⁰ żech kedyjś dostoł¹¹ tako grillowo patelnia i to je richtig¹² co dobrego. Nierozki¹³ czowiek chce, żeby jak nojpryndzy¹⁴ jedzynie wylōndowało¹⁵ na talerzu. I wtedy przidajom się take gotowe biōle wōsztliki¹⁶. Niyftorzy pedzōm¹⁷, że tam dużo chymi¹⁸, ale jakbyjście tak po prołwdzie¹⁹ chcieli sie zjejś²⁰ zdrowego wōszta, to trza by sie ufutrować jakego wieprzka²¹, a potyn sie zrobić świniobicie²². Ale jak sie niy mo co sie lubi…choć joł²³ tam te wōsztliki lubia.

Co potrza?

wōsztliki- sam wybōr je srogi²⁴
tōmaty²⁵
mozarella- jedna na 3-4 tomaty
liście bazylii
oliwa
łocet²⁶– moge być tyż trocha soku ze citrōłny²⁷
sōl i pieprz

Wôsztliki na grilla abo na patelnia grillowo. Jak mołcie²⁸ mocno empfintlich²⁹ żołōndek³⁰, to te tomaty się opołrzcie i łobiercie³¹ ze skōry. Pokrejcie³² je, pokrejcie tyż ta mozarella, listki mogecie potargać na małe kōnski, pokroć abo i wciepnōńć³³ take w całojści. Doprołwcie³⁴ sie to solōm, pieprzym, oliwōm, łoctym, abo i tym sokym ze citrōłny. Wōsztliki już bydôm³⁵ upieczōne, szałołt na stōł, trocha jaki bōłki abo chleba i siadocie³⁶ do jedzynia. Smacznego 🙂