Chlyb na zakwasie: pszynny… prawie ;)

Ze Anglii żech sie prziwiōz¹ zakwas, kery mo pōnojś² 100 lołt, a jak już sie moł³ taki zakwas, to trza rychtować⁴ chlyb. Tyn piyrszy jakosik niy chcioł rojś, ale za to tyn drugi ros⁵… choby na drożdżach 😉 Trocha żech sam wydziwioł, ale dōńda⁶ jeszcze do barzi⁷ ajnfachowych⁸ receptōw 😉

Co potrza?

pó szklōnki zakwasu*

pó szklōnki mōnki żytniyj (razowyj)

pó szklōnki mōnki za majsu⁹ (abo mogecie dać i jaki inkszyj)

5 szklōnkek mōnki pszynnyj (nojlepi coś miyndzy tortowōm a razowōm 😉 )

2 szklōnki wody

pó szklōnki ziorek słōnecznika (i jeszcze dodatkowo na wiyrch)

połra łeżek pomelanych¹⁰ ziorek lnu (abo takich całych)

2 łeżeczki soli (płaske)

Przi takim chlebie przido sie trocha ciyrpliwojści. Nojprzōd żech pomiyszoł letnio woda ze szklōnkōm mōnki pszynnyj, połōm żytniyj i tyj ze majsu, porzōndnie to wymiyszoł i ôdstawiōł żech to na połra godzin w jake ciepłe miejsce (nojlepi by bōło na całoł noc). Niyskorzi¹¹ dociepłech tam 4 szklōnki mōnki pszynnyj, sōl i żech to połra minut wyrołbioł¹². Potyn żech dociep słōnecznik, lyn i wrajziōł żech do prostokōntnyj formy (takyj na keks). Łozgrzoł¹³ żech leko bratruła¹⁴ (yno włōnczyć i wyłōnczyć)- tak na 40 stopni i wrajziōł¹⁵ żech tam te wyrobiōne ciasto na 2-3 godziny. Potyn już yno pieczynie: 60 minut na 210 stopni. Jak bydzie upieczōny, to wyciōngcie go ze formy, postołwcie na jako krataka, żeby sie trocha ôdpocznōł. Tyn chlyb niy bydzie taki miynki jak sklepowy, ale na zicher wiycie, co tam je driny 😉

Terołzki już yno pokrołć go na sznity i smacznego 🙂

*Taki zakwas mogecie sie narychtować i mołcie go już potyn na cołke życie 😉 Wejście¹⁶ litrowo krauza¹⁷, wlyjcie tam 1/3 szklōnki wody i 3 łeżki mōnki żytniyj, przikryjcie jōm jakōm szmatkōm i postołwcie na fynsterbrecie¹⁸. Na drugi dziyń wsujcie¹⁹ tam zajś²⁰ 3 łeżki mōnki, wlyjcie 1/3 szklōnki wody i wymiyszejcie. Na 3 i 4 dziyń to samo, a na 5 już mołcie zakwas fertich²¹. Zawsze, jak ôdlejecie co ze krauzy do rychtowania chleba, to dociepcie tam potyn trocha mōnki (jo dociepuje tyż pszynnyj) i dolyjcie wody. Wejście sie jaki dekel²² do tyj krauzy, zrōbcie w nim dziura, zakryńćcie krauza i wrojście do lodōwki. Jak bajecie chcieli kōmu dać tyn zakwas, to styknie, jak mu dołcie połra łeżek we jakim bojtlu²³, ôn/ôna to łozmiyszo²⁴ ze mōnkōm i wodōm, a za dwa dni już baje²⁵ mioł swōj zakwas.