Terołzki sie zrobiōła moda na rychtowanie1 chleba w dōma, drożdże w niyftorych sklepach wykupiōne, to nic, yno robić zakwas.
Co potrza?
12 łeżek mōnki2 żytniyj razowyj
woda
Cołki proces bydzie trwoł 5 dni. Na sōm3 przōd4 łozmiyszejcie5 3 łeżki mōnki we 1/3 szklōnki wody, przelyjcie to do litrowyj krauzy6 i przikryjcie jakōm szmatkōm. Na drugi dziyń dolyjcie do tego łozpuszczōne we 1/3 szklōnki wody kolyjne 3 łeżki mōnki. Na trzeci i czworty dziyń to samo, a na piōntyy już mołcie swōj zakwas. Terołzki zakryńćcie to deklym7, we ftorym je zrobiōno dziōrka i wrojście do lodōwki. Jak ôdlejecie sie kōnsek do pieczynia chleba, to dolyjcie tam trocha mōnki wymiyszanej ze wodōm. Terołzki już bajecie mieli tyn zakwas dlo swojich dzieci, wnukōw, prawnukōw… 😉
A jak byjście chcieli go komu dać, to styknie yno połra łeżek, ôn abo ôna sie tyn zakwas łozrobiōm ze mōnkōm i wodōm (jedyn do jedyn) i za dwa dni majōm już swōj.
1przygotowywanie
2mąki
3sam
4początek
5rozróbcie
6słoika
7wieczkiem
