Jajca we kminku (Jaja kminkowe)

Pōnojś¹ za starego piyrwy² na Ślōnsku rychtowali³ na Wielkanoc kminkowe jajca. Joł żech tego niy znoł, ale mie kusiōło, coby sie cojsik takego narychtować. I musza Wōm pedzieć, że tyn eksperymynt bōł dojś udany 😉

Co potrza?

jajca (ôd Wołs zależy, wiela⁴ ich bydzie)

na kołżde jajco przidzie 1 plaskoł łeżeczka kminku

1 łeżeczka sōli (ale to już do całojśći, chyba, że bajecie mieć mało jajcōw, to mogecie dać yno poła łeżeczki)

brōnołtne⁵ szale ôd cebuli (szłoby tyż pedzieć: łupiny)

Szale ôd cebuli i jajca wymyjcie. Potyn do jakego gorka wrojście jajca, te szale, dejcie soli, kminek i zalyjcie to wodōm. Powarzcie⁶ ze 10 minut. Jak ôchōdnie⁷, to powyciōngejcie⁸ te jajca i kołżdo skorupka poczaskejcie⁹, ale ich niy ôbiyrejcie. Z wody wyciōngcie szale, ale ôstowcie kminek. Jajca wrojście do jaki krauzy abo gorka, zalyjcie tōm kminkowōm wodōm i ôdstołwcie na 2- 3 dni. Potyn ôbiercie i… smacznego 🙂