Fandzołle ze parmezanym (Fasola z parmezanem)




To je tak ajnfachowe1, że sam nawet niy ma co pisać, ale tak mi to dzisiaj zasmakowało, że aż żech sie musioł z Wami podzielić tym receptym?

Co potrza?

Fandzołle (nojlepi gryfny Jaś, choć po ślōnsku trza by pedzieć2 Hans 😉 )

masło

potarty parmezan

Wiela chcecie mieć tych składnikōw, zależy ôd Wołs i tego, wiela ludzi moł sie pojejś3. Dlo 2 ludzi styknie 25 dkg fandzołli.

Nojprzōd trza jōm zamoczyć na 12 godzin. Potyn wylołć ta woda, nalołć świyżyj i uwarzić (bez soli)- łone bydōm potrzebować tak 60-90 minut. Potyn ôdcedzić i na talyrz. Trocha masła, soli, parmezanu… joł żech mioł ku tymu jeszcze kiszōnoł ćwikla4… bôło richtich5 dobre. Smacznego 🙂

1proste

2powiedzieć

3najeść

4buraki czerwonw

5naprawdę




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*