Batat ze libstami (Batat z ukochanymi ;) )

Tak po prołwdzie¹ to tych libstōw² je sam połra³: 4 marchwie, 2 papryki i ôni wszyjscy razym w jednym gorku… Orgia!… Możno to niy je zupa dlo tych świyntobliwych 😉

Co potrza?

1 srogi⁴ batat

4 marchwie

2 czerwōne papryki

1 cebula (tyż moge być czerwōno)

sōl i pieprz

łeżka masła klarowanego

połra łeżek oliwy

łeżeczka czosku niydźwiedziego

Mogecie tyż dać- jak mołcie:

łeżeczka czubrycy

na wiyrch trocha uprażōnych ziorek słōnecznika

połra łeżeczek wody, we keryj sie kisiōła citrōłna⁵ (joł żech mioł tako, kero żech dostoł w gyszynku⁶, ale byda musioł sie tyż narychtować⁷ takyj sōm⁸, smak moł blank⁹ inkszy niż tako normalno citrōłna i je richtich dobroł jako prziprawa do roztomajtych¹⁰ daniōw)

We gorku zeszklijcie na oliwie i maśle cebula. Dociepcie do tego inksze pokrōne¹¹ warzywa, prziprawy i niech sie to chwila podpieke- bydzie tyż przi okazji richtich fajnie wōniać¹².

Potyn zalyjcie to wodōm, ale niy lyjcie ji za kans¹³ i niech sie powarzi, aż nōm zmiynknōm te wszyjske warzywa. Terołzki jeszcze yno zblyndować i mogecie sie brać za jedzynie. Smacznego 🙂