Zista ze jednorożca (Ciasto w czasach niepoprawności politycznej zwane Murzynkiem)

Dostali my kedyjś ôd naszego kōmrata szokoladowego jednorożca, stoł, stoł i w kōncu prziszło jednorożcobicie 😉 Tak sie cały czołs¹ myśla, czy Murzynek to je babka, czy normalne ciasto, choć po prołwdzie² co je dzisiej normalne? Joł żech go narychtowoł we formie ôd zisty i bez to u mie to je zista/babka.

Co potrza?

1 jednorożec… szokoladowy 😉 , a jak niy mołcie, to moge być 150 g szokolady mlycznyj

(abo 100 g mlycznyj i 50 deserowyj)

1 łeżka kakao

1/3 szklōnki cukru (joł zech doł brōnołtny³)

200 g masła

0,5 szklōnki wody

ździebko⁴ arōmatu waniliowego (joł mōm zamoczōnoł we wōdce łozkrōno⁵ laska waniliowoł)

3 jajca

2 szklōnki mōnki pszynnyj

2 łeżeczki proszku do pieczynioł

Jednorożca/szokolada, kakao, woda, masło, cuker i arōmat wciepcie do gorka i uwarzcie z tego jednolity syrop (dejcie pozōr⁶, żeby sie niy przipołlōł⁷). Połra łeżek syropu sie łostołwcie⁸ do posmarowania zisty po upieczyniu. Ubijcie biołka. Jak sie syrop ochōdzi⁹, to dejcie¹⁰ dō niego żōłtka, mōnka, proszek i wymiyszejcie. Na kōniec pomału dejcie do tyj masy ubite biołka.

Łozgrzyjcie bratruła¹¹ na 180 stopni. Masa przełōżcie do formy i piyczcie 45 minut. Jak sie upiecze, to po wiyrchu posmarujcie nasza zista syropym, kery my ôdlołli, dejcie sie tymu ochōdnōńć i… Smacznego 🙂