Syrnikowo chmōra (Sernikowa chmura)




Tyn syrnik niy bez cufal1 sie nazywo chmōra- ôn je taki miynki, puszysty, że sie aż łozlatuje2 w gymbie… niebo w gymbie 😉

Co potrza?

1 kg syra (u mie bōł tyn ze wiaderka)

6 jajec

łeżka potartyj skōrki ze citrōłny

1 waniliowy puding

0,5-1 szklōnki cukru (jo dołech yno poła szklōnki i wyszoł tyn syrnik idealny, niy za słodki)

100 g łozpuszczōnego masła

Łozgrzyjcie bratruła3 na 180 stopni. Biołka ubijcie ze cukrym. Żōłtka pomiksujcie trocha ze samym masłym, potyn dociepcie tam syr, puding i skōrka ze citrōłny. Jak już to bydzie dobrze pomiksowane, to jakōm warzechōm wmiyszejcie w to biołka.

Jak mołcie srogo4 ôkrōngłoł forma, to mogecie w ni to upiyc, a jak niy, to lepi sie wejście jako sztyrogato5, bo ôn jeszcze przi pieczyniu urojśnie i żeby Wōm bez cufal6 niy uciyk.

Wrojście go bratruły na 50 minut- chyba że bydzie jeszcze na wiyrchu jasny, to go mogecie potrzimać 60 minut.

Jak już baje7 upieczōny, to sie musi dobrze ochōdzić8, żeby sie Wōm przi krajaniu niy łozlecioł9, a potyn to już yno maszkycynie10 Smacznego 🙂

 

1przypadek

2rozlatuje

3piekarnik

4dużą

5czterokątną

6przez przypadek

7będzie

8ostudzić

9rozpadł

10delektowanie się




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*