Karminadle ze zelera (Kotleciki selerowe)




Keby1 Wōm sie na bezuch wcisły jake wegany, to na zicher2 mogecie im narychtować3 take karminadle. Kōnzystyncja4 majōm podobno do miysa5, fajnie smakujōm, ku tymu jake kartołfle6 i ôbiołd fertich7– na piōntek idealne.

Co potrza?

1 srogi8 zeler

1 jajco

6 łeżek pomelanych9 ôrzechōw włoskich

małoł cebula

łeżeczka oregano

łeżeczka mostrichu

sōl i pieprz

trocha tartyj bōłki do obkulania10 karminadli

olyj abo masło klarowane do smażynio

Zeler ôbiercie11, pokrejcie12 w mańsze13 kōnski14 i uwołrzcie15– jo żech sie go uwarzōł dziyń pryndzyj16.

Potyn trza go posztamfować17, dać do niego jajco, pokrōnoł cebula, ôrzechy, prziprawy i porzōndnie wymiyszać. Narychtujcie sie z tyj masy karminadle, pokulejcie we tartyj bōłce i usmołżcie na oleju abo maśle klarowanym. Smacznego 🙂

1gdyby

2pewno

3przygotować

4konsystencję

5mięsa

6ziemniaki

7gotowy

8duży

9mielonych

10obtoczenia

11obierzcie

12pokrójcie

13mniejsze

14kawałki

15ugotujcie

16wcześniej

17utłuc




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*