Modo kapusta zasmażano

Jak już sam bōła surōwka ze modyj kapusty (https://chopwkuchni.pl/?p=1585), to terołzki zasmażano.

 

Co potrza?

gōwka modyj kapusty

małoł cebula

3 łeżki masła klarowanego

1 łeżka mōnki

2 łeżki pokrōnego koperku

ździebko potartego muszkatu1

poła szklōnki wody

sōl i pieprz

 

Ze kapusty wyżnijcie głōmb, pokrejcie2 jōm i wrojście3 do gorka. Dolyjcie tam pōła szklōnki wody, dejcie4 sōl, pieprz i powołrzcie to, aż kapusta bydzie miynkoł5, a woda trocha ôdparuje. Na patelnia wciepcie masło i cebula, jak już sie ôna zeszkli, to dejcie tam mōnki i poczekejcie, aż sie trocha przibrōnołci6. Potyn dociepcie to do gorka z uwarzōnōm kapustōm, dejcie tam koperku, muszkatu i chwila jeszcze powołrzcie. Ajnfachowe? Na zicher. Tako kapusta zjycie ze smakym do pieczōnego miysa abo ryby. Smacznego 🙂

 

 

 

1gałka muszkatałowa

2pokrójcie

3włóżcie

4dajcie

5miękka

6zarumieni

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*