Jak chycicie1 do rynki nachosa (piyrwy2 tego sam3 niy bōło 😉 ), to dlo niego niy ma lepszego kōmrata4, jak guacamole. Robi sie je blank5 gibko6, ale tego smaku nigdy niy kupicie gotowego we sklepie.
Jak już je mołcie fertich7, to mogecie tym posmarować niyskorzi8 nawet sznita9 abo dać do smaku do miysa.
Co potrza?
1 miynke10 awokado
sok ze poły limōnki (choć mogecie dać tyż ze całyj)
poła czerwōnyj cebuli
ździebko11 papryczki chili
2 łeżki liści kolyndry
sōl i pieprz
Ôbrane awokado (nojlepi je przekrołć na pó, a potyn wybrać tyn miōnższ12 łeżkōm) wciepcie13 do blyndera ze inkszymi składnikōma, włōnczcie i po robocie 😉
Mogecie tyż to zrobić blynderym ryncznym. Smacznego 🙂
1chwycicie
2dawniej
3tutaj
4kolegi, przyjaciela
5całkiem
6szybko
7gotowe
8później
9kromkę
10miękkie
11trochę
12miąższ
13wrzućcie
Dodaj komentarz