Harynki choby po kaszubsku (Śledzie a la po kaszubsku)

Przi Godach1 wziyno2 mie na małe wynołkwianie3 śledziowe- przeglōndołech4 roztomajte5 recepty6, kōmbinowołech i tak żech prziszoł do tego, co sam widzicie na ôbrŏzku. I musza Wōm pedzieć7, że tyn smak mi tak przipasowoł, że na zicher8 byda do niego wrocoł. Niy wōniajōm9 jak śledzie, zōłza10 je fajnie arōmatycznŏ, leko słodkŏ… niy ma sie co łozpisywać11, to trza ajnfach12 narychtować 🙂

Co potrza?

500 g matiasōw

2 czerwōne cebule

10 suszōnych śliwek (nojlepi, żeby 5 bōło wyndzōnych)

pieprz

poła13 łeżeczki papryki słodkyj

połra14 liści bobkowych15

1 łeżeczka majerōnku

połra łozczaskanych we mojździerzu kulek ziela angelskego

5 łeżek kōncyntratu ze tōmatōw16

5 łeżek ôctu ze jabek abo winnego

5 łeżek oleju rzepakowego

5 łeżek oleju ze lnu

1 łeżka miodu

Harynki- co to idzie i na nie pedzieć17 śledzie- wypōkejcie18 i na noc zamoczcie we mlyku. Na drugi dziyń jeszcze rŏz je przelyjcie wodōm i wysuszcie papiyrowym ryncznikym. Na patelnia wlyjcie olyj rzepakowy i zeszklijcie na nim pokrōnŏ19 cebula. Niyskorzi20 dociepcie tam prziprawy, pokrōne śliwki i kōncyntrat. Niech sie to trocha poprzipiykŏ21– tak pŏra minut. Potyn wyłōnczcie piec, dejcie ku tymu22 olyj ze lnu, miōd i pokrōne na mańsze23 kōnski24 harynki. Wymiyszejcie, wrojście do jaki krauzy25 i skludźcie26 do lodōwki. Niech sie aby dziyń poprzegryzŏ, a niyskorzi już yno smacznego 🙂

PS We lodōwce idzie to trzimać nawet ze 3 tydnie.

1Bożym Narodzeniu

2wzięło

3wydziwianie

4przeglądałem

5różne

6przepisy

7powiedzieć

8na pewno

9pachną

10sos

11rozpisywać

12po prostu

13pół

14kilka

15laurowych

16pomidorów

17powiedzieć

18wypłuczcie

19pokrojoną

20później

21przysmaży

22do tego

23mniejsze

24kawałki

25słoika

26schowajcie

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*