Tuńczyk sie skōmraciōł ze pieczarkōm (Przyjaźń międzygatunkowa ;) )

Nojlepsze sōm te nojbarzi¹ ajnfachowe² dania. Niyrŏz³ styknōm⁴ yno 3-4 skłŏdniki i wtedy richtich⁵ dobrze mogymy je wszyjske wysmakować⁶. Mie sie udało trefić take brōnołtne pieczarki, kere⁷ bōły arōmatyczne choby⁸ grziby ze lasa. Do tego dania mogecie się nawet uwarzić kartŏfli, ale bydōm sam pasować tyż byle jake zielyniny⁹.

Co potrza?

30 dkg brōnŏtnych¹⁰ pieczarkōw

jedna biksa¹¹ tuńczyka

poła łeżeczki pasty czoskowyj abo jedyn wyciśniynty zōmbek

2 łeżki natki pietruszki

sōl i pieprz

łeżka masła klarowanego

łeżka oliwy

Na patelnia ze masłym i oliwym wciepcie pokrōne pieczarki. Do tego dociepcie reszta skłŏdnikōw, poczekejcie aż pieczarki bydōm fertich (sie zrobiōm mańsze) i mogecie sie brać za futrowanie¹² 😉

Smacznego 🙂