Żeberka we coli

Niyftorzi1 jak słyszōm miyso2 na słodko, zarŏzk3 krziwiōm, a jŏ Wōm powia, że to je richtich4 dobre. A jak jeszcze bydōm te żeberka fajnie zapieczōne ze glazurōm ze tartymi ôrzechami laskowymi i miodym, to yno je wmōcić5 😉

Tyn recept6 je inspirowany kuchniōm hamerykańskōm, ale jak bydziecie je jejś, to tyn kōwbojski hut7 mogecie seblyc8 😉

 

Co potrza?

żeberka wieprzowe – mie ich do koszyka wskoczōły 2 kg, ale żech mioł niyskorzi9 pŏra pōmocnikōw przi stole

aby10 liter coli- yno Wŏs11 prosza, żeby niy bōła to ta bez cukru, bo wtedy to nawet niy umia sie wyforsztelować12, co by Wōm z tego prziszło

sōl i pieprz

13 łeżeczki kminu rzymskego abo kminku

łeżeczka tymianku

pŏra liści bobkowych14

ździebko15 chili

połra16 łeżek miodu

połra łeżek keczupu (jŏ żech mioł taki ze tymiankym, czoskym i miodym)

gŏrść17 pomelanych18 ôrzechōw laskowych (jŏ żech je przepuściōł bez maszynka do miysa)

Pokrejcie19 żeberka na mańsze20 kōnski21 i wciepcie do gorka. Zalyjcie kolōm, dejcie tam trocha soli, pieprzu, chili, liści bobkowych i kminu. Niech sie to powarzi na małym ôgniu tak aby ze dwie godziny.

Wymiyszejcie miōd, keczup, ôrzechy i ździebko chili. Łozgrzyjcie bratruła na 180 stopni (nojlepi na opcji grill). Potyn wyciōngcie te kōnski miysa na blacha i posmarujcie glazurōm. Przipiykejcie te żeberka tak ze 20-30 minut aż się fajnie przibrōnŏcōm, a potyn już yno biercie sie za jedzynie. Ta glazura je takŏ intynsywnŏ, że styknie jak bydzie ze jednyj strōny. Smacznego!

PS A tyj zalywy niy wylywejcie, bo sie narychtujymy ś ni fajnŏ zupa 🙂

1niektórzy

2mięso

3zaraz

4naprawdę

5wcinać

6przepis

7kapelusz

8zdjąć

9później

10choć

11Was

12wyobrazić

13połowę

14laurowych

15szczyptę

16kilka

17garść

18zmielonych

19pokrójcie

20mniejsze

21kawałki

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*