Chlyb ze bananōma (Chlebek bananowy)

Do narychtowania1 tego ciasta to tak richtich2 je potrzebnŏ yno bratruła3, miska i widołka4, nawet miksera niy trza wyciōngać. Moja cera5, tak jak i reszta familiji6, zarŏzki sie w nim zakochała. Niy ma sie co dziwić, że tyn hamerykański chlyb robiōm terŏzki na cŏłkim świecie.

Co potrza?

3-4 dojrzałe banany

100 g cukru (niypołnŏ szklōnka)

200 g mōnki (1,5 szklōnki)

plaskatŏ7 łeżeczka natrōnu8

75 g masła (choc robiōłech tyż yno ze olejym- 50 g oleju, tak ze 8 łeżek tego bōło)

1 jajco

Łozgrzyjcie bratruła na 175 stopni. Banany ôbiercie ze skōry i łozgniyćcie9 widołkōm. Wlyjcie ku tymu łozpuszczōne masło, wciepcie reszta skłodnikōw, wymiyszejcie widołkōm, przelyjcie to do małyj kyjksōwki (moge być wysmarowanŏ masłym/olejym abo wyłożōnŏ papiōrym do pieczynia) i wrojście na godzina do bratruły. Nawet bajtle bydōm to umiały narychtować. Smacznego 🙂

PS A te skōrki zalyjcie we jakim gorku wodōm na 1-2 dni i do tyj zalywy, kero z tego wyńdzie, mogecie dolŏć jeszcze potyn wody i mŏcie gotowy ekologiczny nawōz do kwiŏtkōw 🙂

1przygotowania

2naprawdę

3piekarnik

4widelec

5córka

6rodziny

7płaską

8sody oczyszczonej

9rozgniećcie

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*