Paszteciki nadziywane kurczakym i… kartŏflōma (Paszteciki z kurczakiem i ziemniakami)

Szło by pedzieć1, że tyn farsz to je normalne druge danie, kere idzie wciś2 do ciasta francuskiego. Choć idzie tyż go dać do pierogōw, rogalikōw ze pieca, calzone i inkszych3 takich.

Co potrza?

1 pierś ze kury

pŏra kartŏfli

cebula

trocha potartyj mozzarelli

2 zōmbki czosku

łeżeczka oregano

poła łeżeczki pomelanego4 kminu rzymskego

ździebko5 tymianku

sōl i pieprz

masło klarowane

oliwa

Kurczaka pokrejcie6 drobno i nojprzōd przipiyczcie go na suchyj patelni, a potyn wciepcie tam masło, cebula, czosnek, inksze prziprawy i niech sie to razym trocha posmaży. Kartŏfle uwŏrzcie7 we gorku, odcedźcie i niyskorzyj8 dejcie do tego gorka trocha masła, i jeszcze ze dwie minuty je podpiyczcie. Dociepcie kartŏfle do kurczaka, dejcie ku tymu mozzarella i mogecie sie brać za nadziywanie.

Jak bierecie ciasto francuske, to po nadziywaniu trza je potyn we bratrurze9 piyc na 200 stopni bez 20-25 minut, aż sie fajnie przibrōnŏci10. Smacznego 🙂

Do tych pasztecikōw polecōm tyż ta zōłza: https://chopwkuchni.pl/?p=1887

To bydzie na zicher11 dobre 🙂

1powiedzieć

2wcisnąć

3innych

4zmielonego

5troszkę

6pokrójcie

7ugotujcie

8później

9piekarniku

10przypieką

11na pewno

Please follow and like us:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*