Szło by pedzieć1, że tyn farsz to je normalne druge danie, kere idzie wciś2 do ciasta francuskiego. Choć idzie tyż go dać do pierogōw, rogalikōw ze pieca, calzone i inkszych3 takich.
Co potrza?
1 pierś ze kury
pŏra kartŏfli
cebula
trocha potartyj mozzarelli
2 zōmbki czosku
łeżeczka oregano
poła łeżeczki pomelanego4 kminu rzymskego
ździebko5 tymianku
sōl i pieprz
masło klarowane
oliwa
Kurczaka pokrejcie6 drobno i nojprzōd przipiyczcie go na suchyj patelni, a potyn wciepcie tam masło, cebula, czosnek, inksze prziprawy i niech sie to razym trocha posmaży. Kartŏfle uwŏrzcie7 we gorku, odcedźcie i niyskorzyj8 dejcie do tego gorka trocha masła, i jeszcze ze dwie minuty je podpiyczcie. Dociepcie kartŏfle do kurczaka, dejcie ku tymu mozzarella i mogecie sie brać za nadziywanie.
Jak bierecie ciasto francuske, to po nadziywaniu trza je potyn we bratrurze9 piyc na 200 stopni bez 20-25 minut, aż sie fajnie przibrōnŏci10. Smacznego 🙂
Do tych pasztecikōw polecōm tyż ta zōłza: https://chopwkuchni.pl/?p=1887
To bydzie na zicher11 dobre 🙂
1powiedzieć
2wcisnąć
3innych
4zmielonego
5troszkę
6pokrójcie
7ugotujcie
8później
9piekarniku
10przypieką
11na pewno
A gotuje pan na gazie czy na elektryku? Co pan poleca? Pozdrawiam Adam z Torunia
W domu na gazie, ma to duże plusy, szczególnie kiedy i tak płaci się ryczałt za gaz w czynszu 😉 Ale piekarnik tylko elektryczny. Niektórzy chwalą sobie indukcję, choć tam jest dużo zabawy z samym włączaniem 😉