Ōłberiba trefiōła kōnsek wōsztu (Kalarepka duszona z warzywami i kiełbaską)

Jak czowiek¹ przijedzie do Teściowyj, co mo srogi łogrōdek² i do tego jeszcze połno³ w nim gryfnych⁴ warzyw, to pomysły aż same cisnōm⁵ sie do gorka.⁶
Ołberiba⁷ moł⁸ fajno niy yno⁹ nazwa, ale i bardzo dobry smak. Jak żech jeszcze łobejrzoł¹⁰ zdrzałoł¹¹ cukinia, to przepis bōł¹² we mojim łebie¹³ już prawie fertich.¹⁴

Co potrza?

2 sroge¹⁵ ōłberiby
2 cukinie- nie za sroge
2 czerwōne papryki
2 małe cebule
4 kōnski wōsztu¹⁶
2 łeżki pokrōny¹⁷ świyży kolyndry¹⁸
4 łeżki oliwy
4 łeżki łoctu¹⁹
sōl, pieprz
trocha chili abo ostryj papryki

Podpiyczcie pokrōny wōszt- niech wytopi sie z niego trocha tustego²⁰. Cebula zeszklijcie na oliwie w jakim tygliku.²¹  Wciepcie²² do wōsztu pokrōne warzywa, ta cebula, prziprawy i niech sie to trocha podusi. Jak cukinia i papryka bydōm miynke,²³ a ōłberiba jeszcze leko chrupiōnco, wlyjcie łocet, połra²⁴ razy pomiyszejcie i fertich. Jakbyjście chcieli, to mogecie²⁵ sie- jak już dołcie²⁶ to na talyrz- na gōra wciepnōńć jeszcze trocha kolyndry i… Smacznego 🙂