Pasta ze wyndzōnym pstrōngym (Pasta z wędzonym pstrągiem)

Jak żech łajziōł1 po sklepie, to jakosik mi tyn wyndzōny pstrōng wskoczōł do koszyka, a potyn mie mynczōł,2 jak leżoł we lodōwce, bo żech cały czołs3 niy wiedzioł co z niego narychtować4– ale niy bōjcie sie, niy zepsuł sie. Choć jak do czowieka mo5 prziś6 bezuch7, to zarozki do łeba mi sie cisnōm pomysły i tak żech prziszoł na ta pasta. Przegryzka z ni8 wyszła bardzo dobro, a to, że jedyn z naszych gości polecioł zarozki potyn do Chin, to przeca niy musi wcale znaczyć, że uciekoł przed mojim warzyniym… 😉

Co potrza?

125 g wyndzōnego pstrōnga (jak kupicie trocha wiynkszy kōnsek9, to tyż mogecie10 dać)

3 uwarzōne jajca

1 avokado (bez skōry i pestki)

2 małe kiszōne łogōrki11

12 małyj cebuli

2 łeżki majonezu

sōl i pieprz

Wszyske te składniki- yno pamiyntejcie, żeby łobrać te jajca, no chyba, że chcecie całoł pasta wyciepnōńć kurōm 😉 – mogecie wciepnōńć13 do blyndera abo do jaki maszyny, co to fajnie posieko i jōm włōnczyć. I sam już się nōm całoł filozofia tyj pasty kōńczy. Potyn doprołwcie to yno do smaku i z jakim dobrym chlebym na stōł… smacznego 🙂

 

Pasta ze wyndzonego pstronga-małe

 

 

1chodziłem; ō- samogłoska w wymowie między „u” a „o”

2męczył

3czas

4przygotować

5ma

6przyjść

7goście

8niej

9kawałek

10możecie

11ogórki

12połowa

13wrzucić

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*