Nolywka ze wieprzkōw (Nalewka agrestowa)

Lato idzie lubieć ze roztomajtych1 powodōw, a jedyn lubia szczególnie: wtedy sie idzie narychtować2 nojlepsze nolywki. A potyn bez zima, jak za łoknym3 zajś padze śniyg ze dyszczym, idzie sie wlołć do keliszka kōnsek4 lata. Wieprzki sōm5 tak fajnie kwaskowe, ożyźwiajōnce, a jak czowiek sie ta nalywka powōnio6 we styczniu, to mu sie zdo7, że sie w lipcu leży na dece8 pod jabłōnkōm. Sōm dwie szkoły robiynia nalywkōw: jedni nojprzōd zasypujōm cukrym, a potyn gorzołkōm, a inksi na łopak9. Joł żech je z tego drugego manszaftu10. Ta gorzołka chyto tyn smak11, jak łon je świyży, a niy już taki rozjechany bez tyn cuker. Nalywki majōm yno jedyn minus… cyna12 szpirytusu13.

Co potrza?

2 kg wieprzkōw

0,5 litra szpirytusu

0,5-0,75 l gorzołki14

gorść rodzynkōw

1,5- 2 szklōnek cukru

Wieprzkōm łoberznijcie15 łogōnki, przekrejcie na pó16, wciepcie ze rodzynkami do srogi krauzy17, zalyjcie gorzołkōm i szpirytusym i nolepij zapōmnijcie, żejście zaczli to rychtować. Jak Wōm sie tak za miejsiōnc abo dwa spōmni18, to ślyjcie19 gorzołka do jaki flaszki20, a wieprzki po wiyrchu21 posujcie22 cukrym (tak na oko pó szklōnki). Jak puszczōm sok, to ślyjcie go do flaszki i zajś posujcie cukrym. I tak sie mogecie pobawić połra razy, a jak już bajecie widzieć, że tego soku je małowiela, to we jakim garcu pomiyszejcie to wszysko, co żejście ślywali z tyj krauzy do flaszkōw. Mogecie to przecedzić i wymiyszane wlołć do flaszkōw. Tera zajś niech trocha postoji, a Wy sie bez tyn czas zjydzcie te wieprzki- yno lepi niy na jedyn rołż, bo sie napierecie23 😉

Na kōnieć łostało nōm już yno degustowanie nolywki, bo przeca takich dobroci niy idzie tak chlapnōńć zaro do dna. Na zdrowie 🙂

Nalywka ze wieprzkow-małe

1różnych

2przygotować

3oknem

4kawałek

5są; ō- samogłoska w wymowie między o i u

6powącha

7będzie zdawać

8kocu

9na odwrót

10drużyny

11smak

12cena

13spirytusu

14wódki

15obetnijcie

16pół

17dużego słoika

18przypomni

19zlejcie

20butelki

21wierzchu

22posypcie

23wstawicie

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




1 Komentarz

Dodaj komentarz

Twój adres email nie zostanie opublikowany.


*