Szokoladowe karminadle ;) (Trufle z mascarpone)

Jak je lato, to sie czowiek robi jeszcze barzi zgniōły¹, jak kedy indzi². Bez to trza wymyślać take maszkyty³, co sie je szybko narychtuje⁴. Sam sōm yno 3 składniki, to nawet listy zakupōw niy trza specjalnie zapisywać. 

Co potrza? 

250 g mascarpone 
100 szokolady 
100 g podłużnych biszkoptōw

Szokolada łozpuśćcie⁵ w jaki misce nad gorkym ze wrzōncōm wodōm. A w inkszyj misce zmiksujcie mascarpone ze łozpuszczōnōm szokoladōm i na chwila wrojście⁶ to do lodōwki. Biszkopty w blynderze abo robocie kuchynnym roztrzaskejcie na tako choby⁷ tartoł bōłka- mogecie to tyż zrobić motkym⁸ 😉 
Jak już sie szlukniecie⁹ trocha tyju¹⁰ i zadzwōnicie do jaki ciotki abo kamrata¹¹, wyciōngcie¹² masa ze lodōwki, a łoztarte biszkopty wsujcie¹³ na jaki talyrz. Łeżeczkōm wejźcie trocha masy, wciepcie do „paniyrki”, obkulejcie i przełōżcie na talyrz. Jak już wszyske bydōm fertich, to wrojście je do lodōwki, a potyn już yno smacznego 🙂