Ciasto ze cukiniōm (Ciasto cukiniowe)

Cukinia je dobroł na wszysko… to czamu by sie niy narychtować z ni1 ciasta? Muter2 mi pedziała3, że ciotka Eldza moł4 recept na ciasto ze cukiniōm5, to dzwonia i sie pytōm. Potyn trocha sie tam zmiyniōm i robia eksperymynty na moji Babie6 (yno żeby mie feministki nie chyciōły 😉 ) Robiōł żech je już- abo dopiyro- dwa razy, ale za kołżdym razym we kuchni fajnie wōniało7 i potyn my wszysko zezarli8 😉

Co potrza?

300 g ôleju9 (joł żech doł rołz słōnecznikowy, a rołz żech go pomiyszoł ze rzepakowym)

1 szklōnka cukru (jak lubicie barzi10 słodke, to mogecie dać trocha wiyncyj)

500 g mōnki pszynny

4 jajca

3 łeżeczki cynamōnu

0,5 łeżeczki soli

3 łeżeczki kakao

kapka arōmatu rumowego (jak mołcie waniliowy abo cuker waniliowy, to tyż moge być)

100 g ôrzechōw

2 łeżeczki proszku do pieczynioł

1 łeżeczka sody

500 g tartyj11 cukinii

Nojprzōd12 wymiksujcie jajca ze cukrym, potyn wciepcie tam reszta składnikōw, wymiyszejcie, wciepcie13 na blacha i wrojście14 do pieca nagrzōnego na 175-180 stopnia na 45 minut- pod kōniec dejcie pozōr15,żeby sie niy przipołlōło.

Ô pierzina, chyba żech sam nigdy niy mioł takego krōtkego receptu na ciasto 😉

Jedne co Wōm moga jeszcze pedzieć, to to, że ôrzechy idzie16 pokrajać na mańsze kōnski i dać rajn17 abo, jak już ciasto bydzie na blasze, to je powciepować18 na wiyrch i ône sie tam tak fajnie podpiekōm. Smacznego 🙂

Ciasto ze cukiniom-małe

1niej

2mama

3powiedziała

4ma

5ō- samogłoska w wymowie między o i u

6żonie

7pachniało

8zjedli

9ô = ło

10bardziej

11potartej

12najpierw

13wrzućcie

14włóżcie

15uważajcie

16można

17do środka

18powrzucać

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*