Gańś ze żurawinōm i gruszkōm (Gęś z żurawiną i gruszką)

Gańś je dobroł niy yno na świyntego Marcina- moł1 dobry smak, a ôd2 ni3 miyso i fet4 sōm5 tyż richtich6 zdrowe. Moł kans7 niynasysōnych kwasōw tłuszczowych- przede wszyskim omega 3, ftory pomołgo8 nōm ze tym niyfajnym cholesterolym, a bez to9 je dobry i na serce. Niy idzie gańsi jejś za kans, ale fto by sie to tyż mōg lajstnōć10 😉 Na ta zōłza11 żech prziszoł bez cufal12, ale to bōł taki cufal, jak kej13 byjście znodli14 na drōdze 50 złoty 😉

Co potrza?

2 szłapy15 ôd gańsi

1 gruszka

gorść16 żurawiny – joł mioł świyżoł, ale mogecie dać tyż suszōnoł

keliszek rōżowego wina

keliszek wody

łeżeczka majeranku

łeżeczka tymianku

sōl i pieprz

Gańś nojprzōd17 podpiyczcie na suchyj patelni- ôna zarozki18 puści kans fetu i nojlepi go zbiercie sie do jakigo gorczka19 abo azjetki20 i mogecie sie go niyskorzi21 do czego użić22. Potyn wciepcie23 te szłapy do brytfanki ze pokrōnōm24 gruszkōm, żurawinōm, winym, wodōm i prziprawōma i niech sie to tak aby ze godzina na małym ôgniu dusi. Potyn wyciōngcie25 ta gańś i dejcie na 10-15 min do rozgrzōnyj na 200 stopni bratruły- żeby sie nōm fajnie spiykła ôd ni skōrka. Bez tyn czas mogecie sie tyż rozrobić w zimnyj wodzie trocha mōnki i zagyńścić niōm zołza. Do taki gańsi mogecie sie zjejś klōski, nudle, ryż i co jeszcze Wōm yno przidzie do gowy. Smacznego 🙂

Gańś ze żurawinōm i gruszkōm-małe

1ma

2ô= ło

3niej

4tłuszcz

5ō- samogłoska w wymowie między o i u; są

6naprawdę

7dużo

8pomaga

9przez to

10pozwolić sobie

11sos

12przypadek

13kiedy

14znaleźli

15nogi

16garść

17najpierw

18zaraz

19garnuszka

20salaterki

21później

22użyć

23wrzućcie

24pokrojoną

25wyjmijcie

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*