Szałołt ze brokuła, kartołfli i syra (Sałatka z brokuła, ziemniaków i sera)

 

Co potrza?

 

1 brokuł

kartołfle[1]– tyla samo, wiela brokuła

250 gr abo i trocha wiyncy biołego syra

1 cebula

połra[2] łeżek majōnezu (to już zależy łod tego, wiela[3] majōnezu lubicie)

łyżeczka cukru i kapka łoctu[4]

sōl i pieprz

 

Cebula pokrejcie, wciepcie do jaki miseczki, posypcie cukrym i polyjcie łoctym- nabiere takego fajnego smaku (to tyż je dobre przi inkszych szałołtach, kaj[5] je cebula). Kartołfle łobiercie[6], pokrejcie na mańsze kōnski[7] i wciepcie do garca ze wrzōntkym[8] i warzcie, aż bydōm[9] miynke. Brokuła tyż pokrejcie i uwołrzcie. Syr dejcie do miski i trocha go rozgniyćcie widelcym. Wciepcie uwarzōne kartołfle, brokuła i cebula. Dejcie soli, pieprzu i nojprzōd z 3 łeżki majōnezu i pomiyszejcie. Jak bajecie widzieć, że jeszcze za mało tego majōnezu, to sie go tam jeszcze dociepcie[10]. No i fertich.[11]

Super smakuje z kołżdym miysym[12], dobre do grillowanego wōsztu[13] i do ryby- na drugi dziyń tyż je dobry. Smacznego:)

[1] ziemniaki

[2] kilka

[3] ile

[4] octu

[5] gdzie

[6] obierzcie

[7] mniejsze kawałki

[8] garnka z wrzatkiem

[9] gotujcie aż będą miekkie

[10] dorzućcie

[11] gotowe

[12] każdym mięsem

[13] kiełbasa

 

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*