Babeczki bananowe ze posypkōm (Bananowe babeczki z kruszonką)

Niyrołz¹ nōm sie zachce na gibko² czego słodkego, a niy mogymy już paczeć na szokolada i kupne ciastka- wtedy moge nōm sie przidać tyn recept³. Jake banany to na zicher⁴ Wōm tam kaj leżōm na byfeju⁵, a ta reszta składnikōw to już niy je żołdyn⁶ problym.

Co potrza?

Ciasto:

2 jajca

50 g masła

50 g cukru

4 banany

skōrka otartoł ze jednyj citrōłny⁷

sok ze poły citrōłny

1,5 szklōnki mōnki pszynnyj

1 łeżeczka sody oczyszczōnyj

Posypka:

4 łeżki mōnki

4 łeżki cukru

2 łeżki masła

Banany zblyndujcie ze sokym ze citrōłny. Masło łozpuście⁸ we jakim gorczku⁹. Jajca ubijcie ze cukrym. Dociepcie¹⁰ do nich potyn otartoł skōrka ze citrōłny, mōnka, soda, łozpuszczōne masło, zblyndowane banany i wszyjsko fajnie wymiyszejcie.

Dejcie ciasto do forymek na babeczki – tak ze 2/3 wysokości.

Składniki posypki dobrze wyrōbcie i dejcie ji trocha na wiyrch kołżdyj babeczki.

Bratruła¹¹ łozgrzyjcie na 180 stopni i wrojście tam babeczki na 30-40 minut. Dejcie pozōr¹², żeby Wōm sie niy przipołlōły¹³. Posypka moł sie zrobić yno leko¹⁴ złotawoł.

Smacznego 🙂