Jogurtowoł szpajza ze fyrzichami (Jogurtowa pianka z brzoskwinią)

To je idealny deser na lato: prawie bez roboty, niy trza włōnczać¹ bratruły², do tego fetaminy³, błōnnik i te dobre bakterie ze jogurtu. Joł⁴ żech to robiōł ze fyrzichami (choć terozki na ślōnsku i tak wiyncyj ludzi pado⁵ na nie brzoskwinie) ze puszki, ale jak je sezōn, to mogecie sie wziōńć świyże, wciepnōńć na chwila do wrzōntku, ôbrać ôd nich skōra i fertich⁶.

Co potrza?

400 ml śmiytōnki⁷ krymōwki

800 ml jogurtu naturalnego

3 łeżki żelatyny

paket kyjksōw ze hawerflokōw⁸

biksa⁹ fyrzichōw

ze dwie łeżki pudecukru¹⁰

We 1/3 szklōnki uwarzōnyj¹¹ wody ôzpuście¹² żelatyna. Brzoskwinie pokrajejcie¹³ na mańsze¹⁴ kōnski¹⁵. Ubijcie śmiytōnka, potyn¹⁶ wmiyszejcie dō ni¹⁷ jogurt, dejcie¹⁸ pudecuker (jak lubicie słodke desery, to mogecie go dać trocha wiyncyj¹⁹) i ochōdzōnoł²⁰ żelatyna. Narychtujcie²¹ jako wiynkszoł miska abo tortownica. Na spodek nalyjcie masy jogurtowyj, powciskejcie tam połra²² kyjksōw i wciepcie²³ trocha fyrzichōw. Na to zajś²⁴ trocha masy, fyrzichōw i kyjksōw. Tyj masy styknie Wōm może jeszcze na jedna warstwa, a potyn już yno czekanie, aż nōm to fajnie sie stynżeje i… smacznego 🙂