Szokoladowe niebo ze wiśniōm (Brownie z wiśniami)

Uwielbiōm szokolada i wszyjske abgeryjty¹ i inksze² ś niōm ciasta. A jak wejźniecie do gymby³ kōnsek takigo jeszcze nieco ciepłego brownie i ta szokolada tak trocha wypływŏ… to je richtich⁴ niebo we gymbie. A żeby tak niy bōło za słodko, to jeszcze trocha kwajśnych wiśni… nawet moja Tesciowŏ bōła zodowolōnŏ i wziyna sie drugi kōnsek 😉

Co potrza?

200 g masła! Ja, to je maszkyt luksusowy 😉

200 g szokolady deserowyj abo gorzkyj

4 jajca

200 g cukru

150 g mōnki

ździebko soli⁵

300- 400 g wydrylowanych wiśni

Łozpuśćcie⁶ szokolada ze masłym we jakim tygliku⁷ abo we kōmpieli wodnyj (miska na gorku z warzōncōm sie wodōm). Jajka ubijcie ze cukrym i dejcie⁸ tam tyż ździebko soli. Jak szokolada trocha ochōdnie⁹, to wymiyszejcie jōm warzechōm ze jajcami i mōnkōm. Przelyjcie to do formy (jŏ mioł tortownica), a na wiyrch pociepejcie¹⁰ wiśnie. Bratruła¹¹ łozgrzyjcie na 160 stopni i wrojście tam tyn maszkyt¹² na 30-35 minut… a potyn już yno do szokoladowego nieba 🙂