Szpajza szokoladowoł (Deser czekoladowy a’la Silesia ;) )

Szpajza szokoladowoł (Deser czekoladowy a’la Silesia 😉 )

Piyrwy¹ niy bōło² fajeru³ bez szpajzy, terozki zrobiōł sie z ni taki trocha syntymyntalny deser, ale joł tam lubia do niego wrołcać. Przepis na ta szpajza dostoł żech łod kucharki, co to tyla ich w życiu zrobiōła, że keby⁴ za kołżdo⁵ szpajza dostała złotek,⁶ to miałaby z tego niy nojgorszoł rynta.⁷ Podstawōm takego deseru sōm dobre jajca i keby żeśjcie sie chcieli jōm zrobić ze takich tōnich⁸ jajec ze sklepu, to dejcie sie pokōj.⁹ Do tego nojlepsze sōm take łod szczyńśliwych kurōw, co to sie mogōm polołtać¹⁰ po placu,¹¹ podzióbać trołwy¹² i od czasu do czasu znojś sie w ziymi¹³ jakego chrobołka.¹⁴ Jak mołcie take jajca, to bierymy sie do roboty 😉

Co potrza?

4 jajca

4 łeżki¹⁵ cukru

2 łeżki kakao

3 łyżeczki żelatyny

połra¹⁶ łeżek wody

50 g rodzynek (nojlepi je łoblołć¹⁷ wrzōntkym i na noc zamoczyć we rumie)

100 płatkōw ze mandli¹⁸ (piyrwy na wiyrchu sypało się kokosym, ale moja Baba go niy lubi i bez to joł dołwōm¹⁹ migdały)

Jajca umyjcie- joł do pewności jeszcze je łoblywōm wrzōntkym. Uwarzcie sie w gorczku²⁰ połra łeżek wody i łozmiyszejcie²¹ w tym żylatyna. Oddzielcie biōłka od żōłtkōw. Ubijcie biōłka, pod kōniec wciepcie tam cuker. Potyn zmniyjszcie pryndkość i wciepujcie²² po jednym żōłtka, kakao i wlyjcie²³ ochōdzōno²⁴ żylantyna. Na kōniec wciepcie tam rodzynki i pó²⁵ paczki mandli. Przełożcie sie to do jaki fajny miski i na gōrze posypejcie²⁶ tōm resztōm mandli. Wrołźcie²⁷ to do lodōwki, poczekejcie, aże stwardnie i …smacznego 🙂