Kapuśniok golōnkowy (Kapuśniak golonkowy)

Łostatnio^¹ żech sam pisoł o golōnkach i jak fto^² take robiōł i łostoł^³ mu tyn wywar, to je łon^⁴ idealny na kapuśniok. Jedyn chop to już mie od lata mynczy,^⁵ żebych sam wciep^⁶ recept^⁷ na kapuśniok, ale jak na dworze bōł^⁸ chic,^⁹ to czowiek myśloł yno^¹⁰ jak by sie tu ochōdzić.^¹¹ I trza jeszcze bōło^¹² poczekać na świyżo kiszonoł kapusta… Tera prziszoł czas na kapuśniok.

Co potrza?^¹³

wywar ze golōnek abo 1-2 golonka, piwo, trocha ziela angelskego, listkōw bobkowych^¹⁴ i pieprzu
grincojg^¹⁵
2-4 kartołfli^¹⁶ (zależy czy sōm sroge^¹⁷)
0,5 kg kiszononyj kapusty (keby bōła za kwaśnoł, to mogecie^¹⁸ jōm trocha łodcedzić^¹⁹)
2-3 łeżki mōnki
trocha masła klarowanego abo fetu^²⁰ do zasmażki
sōl
mogecie tyż dać trocha lubczyku i kminku

Jak byjście sie chcieli zrobić ta zupa ze wywaru po golonkach, to zbiercie z niego z wiyrchu trocha fetu,^²¹ żeby nasz kapuśniōk niy bōł za tusty. Przecedźcie tyn wywar i mogymy sie brać za robota. Kebyście chcieli sie yno zrobić sama zupa to wciepcie^²² do gorka jedne abo dwa golōnka, wlyjcie piwo, woda, wciepcie prziprawy i warzcie 1,5 godziny. Potyn wyciōngcie^²³ golonko i przecedźcie tyn wywar.
Do wywaru wciepcie pokrōne^²⁴ kartołfle i grincojg, lubczyk i niech sie trocha powarzōm (ze 10 minut). Pokrejcie kiszonoł kapusta na mańsze kōnski^²⁵ i wciepcie do zupy. Łobiercie golonka i te chude miyso, co tam znojdziecie, wciepcie pokrōne do gorka. Na patelnia wsypcie mōnka i niech sie chwila podpiecze. Potyn dejcie^²⁶ dō ni^²⁷ trocha masła klarowanego abo fetu, niech chwilka poskwiyrczy (niy brōnołćcie^²⁸ tyj zasmażki za mocno) i wlyjcie jōm do garca. Prziprołwcie^²⁹ ta zupa pieprzym, solōm i kminkym- jak niy mogecie żyć bez maggi, to tyż mogecie łonego trocha kapnōńć, choć to niy je te maggi co piyrwy. Jak kapusta zmiynknie to nasz kapuśniok je fertich.^³⁰ Smacznego 🙂