Rolady ze granatym  (Wybuchowe zrazy wołowe ;) )

Potyn¹ mogecie² pedzieć:³ mōm⁴ rolady i niy zawachōm sie ich użyć! Ale niy bojcie⁵ sie, niy o handgranat⁶ sam idzie,⁷ yno⁸ o te łokrōngłe owoce, co to dō nos prziszły ze dzikich landōw⁹– jakby to Babka Marii padała. Joł¹⁰ lubia- jak sam już niyftorzi¹¹ niyrołz¹² widzieli- eksperymynty we kuchni. Ta moja borołka¹³ Baba musi to potyn wszysko jejś, ale przi tych roladach, to śmiōtła¹⁴ ze talyrza wszysko- widać bōły¹⁵ dobre.

Co potrza?¹⁶

5-6 kōnskōw¹⁷ miysa wołowego na rolady
1 granat
gołrść¹⁸ łorzechōw włoskich
15-20 dkg wyndzōnki¹⁹
5 łyżeczek mostrichu²⁰
keliszek czerwōnego wina
150 ml śmiytōnki²¹
2-3 łeżki²² masła klarowanego
trocha²³ wody
sōl, pieprz
kapka²⁴ maggi- nasze Ōłmy²⁵ do zōłzy²⁶ zawsze go trocha kapły
mōnka²⁷ do zagynszczynia zōłzy
5-6 metrowych nici- jak mołcie²⁸ lust²⁹, to sie mogecie wziōńć³⁰ nawet różowe 😉

Rozczaskejcie³¹ sie te miyso- chyba, że mołcie takego masołrza,³² co je rozczaskuje abo moł jakego stikera 😉
Wciepcie³³ na kołżdo³⁴ rolada łyżeczka mostrichu i rozsmarujcie. Posypcie troszka pieprzym i solōm. Podpiyczcie sie plastry boczku na patelni i dejcie³⁵ na rolada. Łorzechy na chwila upranżcie³⁶ i wciepcie na rolady. Granat trza łobrać ze skōry i wyciepnōńć³⁷ tyż te biołe błōnki ze środka, a reszta do roladōw. Tera trudne zadanie, bo trza je zwiynōć³⁸ tak, żeby ze środka nōm³⁹ nic niy wyleciało. Owińcie sie je fajnie niciōm i dejcie je na rozgrzōno patelnia- kaj⁴⁰ sie  pryndzyj⁴¹ smażōła ta wyndzōnka- i dodejcie jeszcze masła klarowanego. Terozki trza je podpiyc ze wszyskich stron i nojgorsze w tym bańdzie⁴² to pyrskanie⁴³ tego tustego,⁴⁴ ale na to chyba niy ma rady, yno je kans⁴⁵ sprzōntania 😉 Podpiykejcie je nojlepi na patelni, bo Wōm sie niy bańdzie te miyso prziklejało do dna, a potyn mogecie sie je przełożyć do jaki brytfanki. Jak już sie podpiekōm, to wlyjcie tam wino i trocha wody i niech sie to tera pomału warzi⁴⁶– jak mołcie czas, to moge to tak sie pykać⁴⁷ ze 2 godziny. Jak już miyso je miynke,⁴⁸ to je wyciōngcie⁴⁹ i połōżcie na talyrzu. Do zołzy dodejcie śmiytōnka, rozfyrlano⁵⁰ ze zimnōm wodōm mōnka (ze 2 łeżki na szolka⁵¹ wody) i niech to fajnie zawrze.⁵² Tera doprołwcie⁵³ sie to solōm, pieprzym i maggi. Ze roladōw ściōngcie⁵⁴ nici, na chwila wciepcie do zołzy i fertich.⁵⁵ Nojlepi to baje⁵⁶ smakować ze klōskami, ale jakby Wōm sie niy chciało smolić⁵⁷ ze klōskōma, to dobre bydōm tyż i nudle⁵⁸… smacznego 🙂