Oriyntalny szałołt ze tuńczykym (Orientalna sałatka z tuńczykiem)

Niy ma wiynkszyj¹ inspiracji, jak bezuch², kery³ moł⁴ prziś⁵. A jak jeszcze niy chce Wōm⁶ sie ciś⁷ do sklepu na zakupy, to już idzie przeczuwać jaki nowy recept⁸. Robicie przeglōnd lodōwki, zamrażalki, szrankōw⁹ i… wyszoł¹⁰ z tego tak dobry szałołt, że niy yno gojście¹¹ byli zadowolyni, ale i gospodołrz- a mie niy tak leko dogodzić. Idzie go jejś¹² na ciepło i zimno. Je tam kans¹³ tuńczyka, wyraźne w smaku nudle¹⁴, a do tego jeszcze trocha zielōnego. Te nudle idzie kupić we sklepach oriyntalnych, srogich¹⁵ marketach i na tydniach oriyntalnych w roztomajtych¹⁶ dyskontach, ale keby¹⁷ ich niy bōło¹⁸, to mogecie przeca¹⁹ dać i take nudle, jake mołcie²⁰ w dōma… abo i mogecie sie je sami wartko²¹ nudelkulōm ukulać 😉

Co potrza?

500 g tuńczyka- joł żech mioł takoł srogoł puszka ze stekami z tuńczyka, kaj²² go bōło nawet trocha wiyncyj, ale Wy mogecie dać 3 małe puszki

paket nudli soba (300 g)- to sōm take japōńske nudle ze mōnkōm gryczanōm

300 g mrożōnego groszku

3 łeżki majōnezu

1-2 zōmbki czosku

2-3 łeżki zōłzy sojowyj

ździebko pieprzu

To sie robi tak wartko, że sie nawet niy ôbrōcicie, a już baje²³ na stole. Uwarzcie²⁴ we gorku woda ze solōm, wciepcie²⁵ tam mrożōny groszek, a jak przyńdzie²⁶ 5-6 minut, dociepcie²⁷ do tego nudle soba- ône sie warzōm yno 3 minuty. Ôdcedźcie, dejcie tuńczyka, majōnez, czosnek, zōłza, pieprz, dosmakujcie i sie biercie za jedzynie. Smacznego 🙂