Karminadle ze zelera (Kotleciki selerowe)

Keby¹ Wōm sie na bezuch wcisły jake wegany, to na zicher² mogecie im narychtować³ take karminadle. Kōnzystyncja⁴ majōm podobno do miysa⁵, fajnie smakujōm, ku tymu jake kartołfle⁶ i ôbiołd fertich⁷– na piōntek idealne.

Co potrza?

1 srogi⁸ zeler

1 jajco

6 łeżek pomelanych⁹ ôrzechōw włoskich

małoł cebula

łeżeczka oregano

łeżeczka mostrichu

sōl i pieprz

trocha tartyj bōłki do obkulania¹⁰ karminadli

olyj abo masło klarowane do smażynio

Zeler ôbiercie¹¹, pokrejcie¹² w mańsze¹³ kōnski¹⁴ i uwołrzcie¹⁵– jo żech sie go uwarzōł dziyń pryndzyj¹⁶.

Potyn trza go posztamfować¹⁷, dać do niego jajco, pokrōnoł cebula, ôrzechy, prziprawy i porzōndnie wymiyszać. Narychtujcie sie z tyj masy karminadle, pokulejcie we tartyj bōłce i usmołżcie na oleju abo maśle klarowanym. Smacznego 🙂