Placki ze biołego syra (Placki z twarogu)

Moja cera¹ sucho ôd jakegosik czasu bojki² ô kocie we szczewikach³ i tam we Krōlestwie Pulpecji (już nawet niy wiym, ftoro wersja tyj bojki to je) jōm⁴ pulpety syrowe ze cimtym⁵. Tak mie to zainspirowało, że żech chcioł narychtować cojsik podobnego. Kōniec kōńcōw karminadle⁶ mi z tego niy wyszły, bo masa bōła trocha za rzołdko, ale za to okołzała sie idealno na placki. To je taki recept⁷ dlo tych, kerzy akurat szporujōm⁸. Chrupiōnco skōrka, leko słodke, cimtowy syr… wmōciyli⁹ my je raz-dwa 😉

Co potrza?

250 g przepresowanego¹⁰ biołego syra

1 jajco

żymła¹¹ wymoczōno we mlyku

4 łeżki tartyj bōłki

2 łeżki mōnki ze majsu¹², ale mogecie tyż dać kartoflanyj¹³

1-2 łeżki cukru (joł żech doł brōnołtnego¹⁴ yno łeżka)

łeżeczka cimtu

olyj do smażynia

Wszyjske składniki wciepcie¹⁵ do miski i wymiyszejcie. Łozgrzyjcie patalnia, kapnijcie na nia trocha oleju i jak sie łozgrzeje, to nakłodejcie tam naszyj masy na placki. A jak już sie fajnie przibrōnołcōm¹⁶ ze kołżdyj strōny, to sie biercie za jedzynie. Smacznego 🙂