Szinka we mostrichu (Szynka w musztardzie)

Do narychtowania¹ tego dania zaispirowoł mie jedyn kuchołrz ze Piekar Ślōnskich², kej³ mi ôsprawioł⁴ ô karczku we trzech mostrichach- miyszocie trzi roztomajte⁵ mostrichy (francuski, dijon i jakiś ajnfachowy⁶) i wciepujecie tam karczek na dwa dni i do bratruły⁷. Joł bych chyba niy bōł mnōm⁸, kej⁹ bym sam co niy pokōmbinowoł i tak mi wyszła szinka we mostrichu. Aromatyczno, miynkoł i… kołżdy¹⁰ poradzi takoł narychtować.

Co potrza?

1 kg szinki abo karczku

2 łeżki mostrichu francuskigo (to je tyn ze srogimi¹¹ ziorkami)

2 łeżki jakegojś inkszego¹²– joł doł bawarski

2 łeżki whisky abo kōniaku

1 łeżka potrzaskanych ziorek jałowca

Mostrichy pomiyszejcie ze sznapsym¹³ i jałowcym. Szinka posmarujcie tōm marynatōm ze kołżdyj strōny i wrojście do lodōwki na noc. Na drugi dziyń rozgrzyjcie sie bratruła na 160 stopni i bez przikrycia piyczcie tam szinka bez¹⁴ 1,5 godziny. Jak przyńdzie¹⁵ godzina, to mogecie jōm przewrōcić na drugoł strōna. Tera już nōm ôstało yno pokrajać¹⁶ ta szinka na mańsze kōnski¹⁷ i… smacznego 🙂

Joł żech jōm jołd¹⁸ ze sztamfowanym grochym ze batatym i bōła richtich¹⁹ dobroł.

Recept²⁰ znojdziecie sam: http://chopwkuchni.pl/?p=741