Zrobicie to raz-dwa, a jak Waszyj familiji podołcie take sztamfkartołfle choby1 do ajnfachowych2 karminadli abo kotleta, to sie i tak poczujōm jak we luksusowyj restauracyji. Na talyrzu bydziecie mieć już delikatny smak ôrzechōw, a podkryślić go mogecie jeszcze jakim dodatkowym szałołtym3 ze rukolōm.
Co potrza?
1 kg kartołfli4
ćwierć szklōnki mlyka
4 łeżki mielōnych ôrzechōw włoskich
2 łeżki masła
sōl i pieprz
Uwarzcie kartołfle i ôdcedźcie. Dejcie5 dō nich ôrzechy, mlyko, trocha soli, pieprzu i zblyndujcie ryncznym blynderym- chyba, że sie chcecie trocha dużi6 pobawić sztamferym7. I fertich8. Smacznego 🙂
1choćby
2zwykłych
3sałatką
4ziemniaków
5dajcie
6dłużej
7tłuczkiem
8gotowe
Sam tyż mogecie mie znojś:
