Nolywka ze wieprzkōw (Nalewka agrestowa)

Lato idzie lubieć ze roztomajtych^¹ powodōw, a jedyn lubia szczególnie: wtedy sie idzie narychtować^² nojlepsze nolywki. A potyn bez zima, jak za łoknym^³ zajś padze śniyg ze dyszczym, idzie sie wlołć do keliszka kōnsek^⁴ lata. Wieprzki sōm^⁵ tak fajnie kwaskowe, ożyźwiajōnce, a jak czowiek sie ta nalywka powōnio^⁶ we styczniu, to mu sie zdo^⁷, że sie w lipcu leży na dece^⁸ pod jabłōnkōm. Sōm dwie szkoły robiynia nalywkōw: jedni nojprzōd zasypujōm cukrym, a potyn gorzołkōm, a inksi na łopak^⁹. Joł żech je z tego drugego manszaftu^¹⁰. Ta gorzołka chyto tyn smak^¹¹, jak łon je świyży, a niy już taki rozjechany bez tyn cuker. Nalywki majōm yno jedyn minus… cyna^¹² szpirytusu^¹³.

Co potrza?

2 kg wieprzkōw

0,5 litra szpirytusu

0,5-0,75 l gorzołki^¹⁴

gorść rodzynkōw

1,5- 2 szklōnek cukru

Wieprzkōm łoberznijcie^¹⁵ łogōnki, przekrejcie na pó^¹⁶, wciepcie ze rodzynkami do srogi krauzy^¹⁷, zalyjcie gorzołkōm i szpirytusym i nolepij zapōmnijcie, żejście zaczli to rychtować. Jak Wōm sie tak za miejsiōnc abo dwa spōmni^¹⁸, to ślyjcie¹⁹ gorzołka do jaki flaszki^²⁰, a wieprzki po wiyrchu^²¹ posujcie²² cukrym (tak na oko pó szklōnki). Jak puszczōm sok, to ślyjcie go do flaszki i zajś posujcie cukrym. I tak sie mogecie pobawić połra razy, a jak już bajecie widzieć, że tego soku je małowiela, to we jakim garcu pomiyszejcie to wszysko, co żejście ślywali z tyj krauzy do flaszkōw. Mogecie to przecedzić i wymiyszane wlołć do flaszkōw. Tera zajś niech trocha postoji, a Wy sie bez tyn czas zjydzcie te wieprzki- yno lepi niy na jedyn rołż, bo sie napierecie^²³ 😉