Kiszōnoł cukinia (Kiszona cukinia)

Wejrzoł¹ żech sie na cukinia i pomyśloł: a czamu² by jyj³ tak niy zakisić? Jak sōm⁴ kiszōne ôgōrki⁵, to mogōm być i inksze⁶ warzywa. Niyskorzi⁷ żech wejrzoł do internetu i sie okołzało⁸, że już połra⁹ takich bōło¹⁰, co to im sie zachciało kiszynia cukini. Na sprōbowanie żech sie zrobiōł dwie krauzy¹¹. Dzisiej żech otwar ta piyrszo¹² i moga Wōm¹³ pedzieć¹⁴, że sie werciōło¹⁵: delikatniyjszy ôd ôgōrka smak, leko chrupiōnco skōrka i… zajś mōmy co nowego. We jeszcze jednyj krauzie czeko kiszōnoł fasolka szparagowoł, ale co z tego przidzie… to na razie srogoł¹⁶ tajymnica 😉

Co potrza?

połra¹⁷ małych cukiniōw

sōl- nojlepi kamiynno

kōnsek¹⁸ korzynia chrzanu

połra zōmbkōw czosku

połra łodygōw¹⁹ ôd kopru (ze nasiōnami)

jakeś krauzy ze deklami²⁰

Kisi sie ta cukinia tak samo, jak ôgōrki. Te małe cukinie mogecie kisić w całojści abo pokrajać²¹ je na trocha mańsze²² kōnski. Do krauzy wrojście²³ cukinia, wciepcie²⁴ ze 2-3 zōmbki czosku, kōnsek chrzanu, na wiyrch²⁵ naciście²⁶ kopru i zalyjcie to wszyjsko wrzōncōm wodōm ze solōm (łeżka soli na liter wody). Tera ôstało nōm już yno zakryńcić dekel, sprawdzić, czy krauza niy cieknie (przewrōćcie jōm do gōry dnym), ôstawić²⁷ na połra dni i fertich²⁸. Kajś²⁹ żech czytoł, że dobrze by je bōło za dwa tydnie³⁰ zapasteryzować. Joł³¹ żech te krauzy wrajziōł³² do bratruły³³, rozgrzoł³⁴ jōm na 90 stopni i potrzimoł³⁵ je tam piytnołście³⁶ minut. Co z tego przidzie³⁷? Nie wia³⁸. Jedne jest pewne:kiszōnyj cukini musicie na zicher³⁹ sprōbować. Smacznego 🙂