Szałołt ze grejfutym (Sałatka z grejfrutem)

Niyrołzki¹ sie czowiekowi zachce zjejś² cojsik lekszego³, żeby potyn niy trza bōło⁴ bez godzina dochodzić do siebie i wypić trzi sznapsy⁵ na trołwiynie⁶. Taki szałołt je do tego nojlepszy. Grejfut moł⁷ kans fetaminy C i beta karoten, kery⁸ je dobry dlo skōry. Kapusta pekińskoł tyż moł kans⁹ fetaminōw, roztomajtych¹⁰ minerałōw i do tego yno¹¹ 12 kalorii. Szinka, syr i ôrzechy¹² fajnie dopełniōm smak, tak że nawet te chopy, co marudzōm na szałołty, bydōm sam mieć co do przegryzynia.¹³

Co potrza?

2 ôbrane ze błōnek grejfuty

15 dkg żōłtego syra

15 dkg szinki

pó szklōnki ôrzechōw włoskich

pó gōwki mańszyj kapusty pekińskyj

6 łeżek jogurtu greckego

sōl i pieprz

Nojwiyncyj roboty bydzie ze tym grejfutym, coby go seblyc¹⁴ ze tyj gorzkij skōry. Ôrzechy mogecie trocha uprażyć na suchyj patelni. Sam żołdnyj filozofii niy ma, wszyjsko trza pokrajać, wciepnōńć¹⁵ do miski, dodać jogurt, dosmakować i- biercie¹⁶ sie za jedzynie. Smacznego 🙂